Néhémie 2:7 - Mbeti ti Nzapa - Tënë so amu fini

⁷ Mbi kiri mbi tene na gbia: “Gbia, tongana mo baa nzoni na le ti mo, ayeke nzoni mo sara titene a mu na mbi mbeni mbeti so mbi yeke gue na ni na agovoronere so ayeke na Do ti ngu ti Efrate, tongaso si ala lingbi ti zia lege na mbi ti hon ti gue na Juda.

Néhémie 2:7 ပူးပေါင်းရင်းမြစ်များ

Esdras 6:6

Tongaso, gbia Darius asu mbeti si lo tokua na Tatenai, govoronere ti sese so ayeke na Do ti ngu ti Efrate, lo na Shetar-Boznai nga na amba ti ala, akota komanda ti sese ni; lo tene: “Ala zia tënë so!

Esdras 7:21

“Mbi, gbia Artakzerses, mbi mu yanga na awabatango-nginza ti sese ti mbage ti Do ti ngu ti Efrate titene aye so kue Esdras, wayango-sandaga na wafango-ndia ti Nzapa ayeke hunda na ala, fade ala yeke mu ni kue na legeni.

Esdras 8:22

Tongana mbi hunda fade na gbia titene lo mu na e aturugu na azo ti kpengo na ambarata titene ala bata e na lege ndali ti awato ti e, ka kamene asara mbi. Biani, lani e tene na gbia, e tene: “Maboko ti Nzapa ti e ayeke na ndö ti azo so kue ayeke gi lo; me ngonzo ti lo ayeke londo ngangu na tere ti azo so azia lo.”

Esdras 8:36

Na pekoni, mbeti ti ndia so gbia amu lani na ala so, ala mu ni na akota komanda ti gbia nga na agovoronere so ayeke na Do ti ngu ti Efrate. Akota zo ni so amu maboko na azo ti Israel nga na kota da ti Nzapa.

Néhémie 2:9

Mbi gue, mbi baa agovoronere so ayeke na Do ti ngu ti Efrate, mbi mu na ala ambeti ti gbia. Gbia azia ambeni turugu ti kota kamba na azo ti kpengo na ambarata titene ala bata mbi na lege.

Néhémie 3:7

Na tere ti ala, Melatia, zo ti gbata ti Gabaon, lo na Yadon, zo ti Meronot, ala na ambeni koli ti Gabaon na ti Mispa ayeke sara ti ala kua ni; ala sara kua ni na iri ti govoronere so ayeke na Do ti ngu ti Efrate.