Néhémie 2:6 - Mbeti ti Nzapa - Tënë so amu fini

⁶ Wali ti gbia aduti na tere ti lo; gbia ahunda mbi, atene: “Tambula ti mo ni ayeke ninga lango oke? Mo yeke kiri lawa?” Tongaso gbia ayeda ti zia na mbi lege ti gue; nilaa mbi fa na lo lango ti kiringo ti mbi.

Néhémie 2:6 ပူးပေါင်းရင်းမြစ်များ

Néhémie 1:11

KOTA GBIA, mbi gbu gere ti mo, mo zi mê ti mo, mo ma sambela ti mbi, zo ti kua ti mo. Mo ma nga sambela ti azo ti kua ti mo, ala so ayeke na ngia ti ne iri ti mo. Mo sara si aye ti mbi, zo ti kua ti mo, aga nzoni laso. Mo sara si ye so mbi yeke hunda na gbia, lo kiri tënë na mbi na nzoni be.” Biani, mbi yeke lani zo ti mungo samba na gbia.

Néhémie 13:6

Na ngoi so aye so asi, mbi yeke na Jérusalem pepe. Na ngu baleota na use ni so Artakzerses ayeke gbia ti Babilone, mbi kiri na tere ti lo. Ngu mingi na pekoni, mbi hunda na gbia ti mu lege na mbi

Néhémie 2:4

Gbia atene na mbi: “Mo ye nyen?” Mbi sambela Nzapa ti yayu.

Néhémie 2:5

Na pekoni, mbi tene na gbia, mbi tene: “Gbia, tongana mo yeda, tongana mo ye ti sara nzoni be na mbi, zo ti kua ti mo, ayeke nzoni mo mu lege na mbi ti gue na sese ti Juda, na ya ti gbata so a lu akotara ti mbi daa titene mbi kiri mbi leke ni.”

Néhémie 5:14

A mu mbi ti duti govoronere ti sese ti Juda na ngoi so Artakzerses ayeke gbia, ti londo na ngu baleuse ni ngbii asi na ngu baleota na use ni. Na ya ti ngu baleoko na use so, ataa mbi, ataa a-ita ti mbi, laoko e mu nginza ti lapo ti govoronere ti te na kobe pepe.

Ésaïe 58:12

Ndali ti mo, azo ayeke kiri ti leke ada so akungbi aninga awe; agere ti da so azo ado azia ngbene ye aninga, fade mo yeke kiri ti leke ada na ndö ni. Azo ayeke iri mo: “Zo ti kangango adu ti gbagba ti bira, zo ti lekengo alege ti gbata titene azo alango na ya ti gbata ni.”

Ésaïe 61:4

Ada so akungbi aninga awe so, fade ala yeke kiri ti leke ni; ada so akungbi ngbene ye aninga so, ala yeke kiri ti mu ni na nduzu. Agbata so abuba si aga ngonda ngu na ngu so, fade ala yeke kiri ti leke ni.

Ésaïe 65:24

Kozo titene ala di iri ti mbi, mbi, mbi yeke kiri tënë na ala; tënë angba ngbango na yanga ti ala, mbi ma ala awe.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.