Néhémie 2:5 - Mbeti ti Nzapa - Tënë so amu fini

⁵ Na pekoni, mbi tene na gbia, mbi tene: “Gbia, tongana mo yeda, tongana mo ye ti sara nzoni be na mbi, zo ti kua ti mo, ayeke nzoni mo mu lege na mbi ti gue na sese ti Juda, na ya ti gbata so a lu akotara ti mbi daa titene mbi kiri mbi leke ni.”

Néhémie 2:5 ပူးပေါင်းရင်းမြစ်များ

2 Samuel 14:22

Yoab akuku akpo li ti lo na sese si lo mu singila na gbia, lo tene: “Gbia, laso mbi hinga, mbi tene, mo baa mbi na nzoni le awe, ngbanga ti so mo yeda ti sara ye alingbi na tënë so mbi tene.”

Esdras 5:17

Fadeso gbia, tongana mo baa nzoni na le ti mo, ayeke nzoni a gi na ya ti angbene buku ti mbai ti aye so agbia ti Babilone asara ti baa wala taa-tënë, gbia Sirus amu yanga ando biani titene a kiri a leke kota da ti Nzapa na Jérusalem. Ayeke nzoni a tokua na e tënë ti be ti mo na ndö ti tënë so.”

Néhémie 2:4

Gbia atene na mbi: “Mo ye nyen?” Mbi sambela Nzapa ti yayu.

Néhémie 2:6

Wali ti gbia aduti na tere ti lo; gbia ahunda mbi, atene: “Tambula ti mo ni ayeke ninga lango oke? Mo yeke kiri lawa?” Tongaso gbia ayeda ti zia na mbi lege ti gue; nilaa mbi fa na lo lango ti kiringo ti mbi.

Esther 1:19

Gbia, tongana be ti mo aye, fade mo mu mbeni kota mbela ti kanga lege na Vasti ti kiri ti ga na dawa ti mo. Fade mo mu ndo ti Vasti na mbeni wali so ayeke nzoni ahon lo. Fade ndia so ali na ya ti mbeti ti andia ti kodro ti Perse na ti Medii si ngangu ni ayeke ngba tongaso biani biani.

Esther 5:8

Babâ gbia, tongana mo ye ti sara nzoni be na mbi, wala tongana be ti mo aye ti mu na mbi ye so mbi hunda na mo, ayeke nzoni mo na Haman akiri aga kekereke na matanga ti tengo kobe so mbi leke ndali ti ala. Tongaso fade mbi yeke fa na mo mbirimbiri ye so mbi ye.”

Esther 7:3

Esther, wali ti gbia, akiri tënë, lo tene: “Babâ gbia, tongana mo ye ti sara nzoni be na mbi, wala tongana be ti mo aye, ye so mbi hunda na mo ayeke so: mbi ye gi fini ti mbi na fini ti azo ti mara ti mbi; gi ye so mbi ye ti hunda na mo laa!

Esther 8:5

lo tene: “Gbia, tongana be ti mo aye, tongana mo ye ti sara nzoni be na mbi; tongana mo baa nzoni na le ti mo, tongana mbi nzere na le ti mo, ayeke nzoni a su mbeni mbeti nde ti mingo ngangu ti ambeti so Haman, molenge ti Hamedata, zo ti mara ti Agag, asu ni titene a fâ azuife so ayeke lango na ya ti akodro-sese ti mo oko oko kue so.

Amato 3:4

Tongaso, fade Nzapa na azo ayeke ye tënë ti mo; ala yeke gonda mo ndali ti zingo le ti mo.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.

Matthieu 23:27

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala kpa gi adu ti kuâ so azo aleke ndö ni na mbamba. Ndö ni ayeke pendere, me na ya ni, abio na afungo ye nde nde asi singo daa.

Ruth 2:13

Ruth atene: “Kota zo, mo ngba ti sara nzoni na mbi; mo sara si be ti mbi ade. Tënë so mo tene so agbu be ti mbi mingi; mbi so mbi lingbi nga na awali so ayeke sara kua na gbe ti mo lawa!”