Néhémie 2:19 - Mbeti ti Nzapa - Tënë so amu fini

¹⁹ Me so Sanebalat, zo ti gbata ti Horon, lo na Tobia, zo ti mara ti Amon so ayeke mu maboko na lo, na Geshem so ayeke arabu ama tënë ni, ala to nda ti he e na ngia; ala baa e tongana ambumbuse zo, ala tene: “Nyen laa ala yeke sara so, nyen? Ala ye ti tomboka na tere ti gbia laa ma?”

Néhémie 2:19 ပူးပေါင်းရင်းမြစ်များ

Néhémie 13:28

Mbeni molenge oko ti Yoyada, tara ti kota wayango-sandaga Eliashib amu molenge ti Sanebalat, zo ti gbata ti Horon, ti ga wali ti lo. Ndani laa, mbi tumba lo ti londo na Jérusalem.

Néhémie 2:10

Sanebalat, zo ti gbata ti Horon, lo na Tobia, zo ti mara ti Amon so ayeke mu maboko na lo ama a tene, mbeni zo ayeke ga ti sara mbeni ye ti nzoni ndali ti azo ti Israel, be ti ala aso mingi.

Néhémie 4:1

Me so Sanebalat, Tobia, a-arabu, azo ti mara ti Amon na azo ti mara ti Asdod ama a tene, kua ti gbagba ti Jérusalem ayeke tambula nzoni si a to nda ti kanga adu ni, ngonzo agbu ala ngangu mingi.

Néhémie 6:6

Tënë ti ya ti mbeti ni atene: “A yeke ma â-atene na popo ti amara nde atene, mo na a-ita ti mo azuife, ala yeke gi lege ti tomboka na tere ti gbia. Tënë so Geshem atene nga na e laa. Ndani laa mo yeke leke gbagba ti gbata ni so. Mo ye nga ti ga gbia ti azuife ni.

Néhémie 6:9

Biani, azo so kue aye ti bi mbeto na ya ti e; nilaa ala tene: “Gbaa, fade be ti ala ayeke woko si ala yeke do lege ti kua ni ti zia.” KOTA GBIA, mo mu na mbi ngangu ndali ti kua ni!

Mbeti ti Job 30:1

Me fadeso, azo so ngu ti ala alingbi na ti mbi pepe, ayeke he mbi na ngia. Ando, mbi baa so ababâ ti ala akpa pepe ti duti na popo ti ambo ti bata anyama ti mbi.

Abia (Psaumes) 123:4

Azo so ayeke duti nzoni ayeke he e na ngia, azo ti baba ayeke baa e tongana mbumbuse ye; ye ni ahon ndö ti e awe!

Abia (Psaumes) 79:4

Azo so ayeke nduru na e azonga e, azo so angoro e ahe e na ngia, e ga buba ye na le ti ala.

Abia (Psaumes) 80:6

Kobe so mo yeke mu na ala gi ngu ti le, mo yeke mu na ala ngu ti le gbani gbani ti nyon.

Abia (Psaumes) 80:7

Mo sara si azo so ayeke nduru na e ayeke tiri na popo ti ala ndali ti e, e ga ye so awato ti e ayeke he na ngia.

Ésaïe 36:5

Mbi tene na mo, ye mo leke ti tiri bira na ngangu ayeke gi asenge tënë ti yanga! Zo wa laa mo zia be ti mo na ndö ti lo si mo tomboka na tere ti mbi so?

Jérémie 20:8

Lakue, tongana mbi yeke tene tënë, alingbi mbi dekongo ti iri azo ti soo mbi, mbi tene: “Fango zo-oo, bubango ye-oo!” Ndali ti tënë ti KOTA GBIA, azo ayeke zonga mbi lakue si ala yeke he mbi na ngia lakue.

Jérémie 41:10

Na pekoni, lo gbu azo so kue angba na Mispa si ala ga azo ti kanga; lo gbu nga amolenge-wali ti gbia ni nga na azo so kue Nebuzaradan, makonzi ti aturugu ti batango gbia amu ala na Gedalia, molenge ti Ahikam si ala ga azo ti kanga. Ismael amu azo ti kanga ni si lo gue na ndo ti azo ti mara ti Amon.

Matthieu 9:24

Lo tene na ala: “Ala kue asigigi! Molenge-wali so akui pepe, me lo yeke lango langongo!” Azo ni kue ahe Jésus na ngia.

Marc 5:40

Ala he lo na ngia. Me lo hunda na ala kue ti sigigi; lo iri babâ na mama ti molenge ni na adisiple ti lo ota si ala li na ndo so molenge ni ayeke daa.

Nzoni Tënë so Luc asu na mbeti 23:2

Ala to nda ti bi tënë na li ti lo, atene: “E wara koli so, lo yeke pusu azo ti mara ti e ti sara wusuwusu, lo yeke kanga lege na ala titene ala futa lapo na kota gbia ti Rome; lo tene nga, ni wani, ni yeke *Mesii, ni yeke gbia.”

Jean 19:12

Ti londo na ndembe ni so, Pilate ayeke gi lege ti zi Jésus, me azuife akiri adekongo, atene: “Tongana mo zi lo, andaa mo yeke zo ti kota gbia ti Rome pepe! Zo so kue atene, ni yeke gbia, andaa lo ke kota gbia ti Rome awe!”

Awatokua 24:5

E baa so, koli so ayeke sioni mingi: lo yeke bi wusuwusu na popo ti azuife ti dunia kue, lo yeke makonzi ti sioni bongbi so iri ni bongbi ti Nazaret.

Ahebro 11:36

A zonga ambeni, a pika ala na fimbo, a kanga ala na zingiri si a bi ala na da ti kanga.