Néhémie 2:18 - Mbeti ti Nzapa - Tënë so amu fini

¹⁸ Mbi fa na ala lege so maboko ti Nzapa aduti na ndö ti mbi ti bata mbi nga na tënë so gbia atene na mbi. Tongaso ala tene: “E londo, e leke gbata ni!” Ala yeke na ngangu kue ti sara nzoni kua ni.

Néhémie 2:18 ပူးပေါင်းရင်းမြစ်များ

2 Samuel 2:7

Ala gbu ngangu, ala sara ye ti koli! Gbia ti ala Saul akui awe; me mbi laa azo ti Juda atuku mafuta na li ti mbi titene mbi ga gbia ti ala.”

1 Mbai 11:10

So ayeke iri ti amakonzi ti akpengba turugu ti David, ala na azo ti Israel so kue amu maboko na David titene lo ga gbia alingbi na tënë so *KOTA GBIA atene lani na ndö ti Israel.

1 Mbai 19:13

Mo gbu ngangu, e sara ye ti koli ndali ti azo ti e nga ndali ti agbata ti Nzapa ti e. Ayeke nzoni *KOTA GBIA asara ye so be ti lo aye.”

2 Mbai 32:5

Ezekias awara ngangu si lo kiri lo leke gbagba ti gbata ni na ando so adu akoro daa. Ada so ayo na nduzu, lo kiri lo leke ni titene ayo na nduzu ahon ti kozoni; lo sara mbeni gbagba nde na gigi ti kozo gbagba ni; lo leke nga ndo so iri ni Milo so ayeke na Gbata ti David; lo mu yanga si a sara na lo gba ti aye ti bira na *avala.

Esdras 6:22

Na pekoni, na ya ti lango mbarambara, ala sara na ya ti ngia, matanga ti Mapa so a sara na mama ni pepe. KOTA GBIA azia ngia na be ti ala, ngbanga ti so lo sara si be ti gbia Darius aga nzoni na mbage ti ala; ye so asara lani si be ti azo ti Israel awara ngangu si ala kiri ti gbu kua ti lekengo kota da ti Nzapa ti Israel.

Néhémie 2:8

Ayeke nzoni a mu nga na mbi mbeni mbeti so mbi yeke gue na ni na Asaf, wabatango-gbako ti gbia. Tongaso, fade lo yeke mu na mbi akeke so alingbi titene a sara na ayanga ti gbagba ti bira so ayeke na tere ti kota da ti Nzapa. Mbi yeke mu nga akeke ni ti leke na agbagba ti gbata ni nga na da so mbi yeke lango ande na ya ni.” Gbia amu na mbi ambeti ni, ngbanga ti so maboko ti Nzapa ti mbi ayeke na ndö ti mbi ti bata mbi.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

Filipe 2:13

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

1 Samuel 23:16

Mbeni lâ, Jonatan, molenge ti Saul alondo, ague, awara David na Horsha; lo mu wango ti kpengba be ti David na iri ti Nzapa.