Néhémie 2:14 - Mbeti ti Nzapa - Tënë so amu fini

¹⁴ Mbi gue, mbi si na yanga ti gbata so iri ni Ti-li-ti-ngu nga na mbage ti *lende ti gbia. Me lele so mbi duti na ndö ti lo so agi lege ti hon daa gbaa.

Néhémie 2:14 ပူးပေါင်းရင်းမြစ်များ

2 Agbia 18:17

Andaa gbia ti Asirii ayeke na gbata ti Lakish. Kâ, lo tokua turugu ti lo ti kota kamba, na makonzi ti akota zo ti kua ti lo nga na makonzi ti aturugu ti batango lo, ala na gba ti aturugu; lo tokua ala na gbia Ezekias na Jérusalem. So ala si kâ awe, ala gue, aluti na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

2 Agbia 20:20

Tanga ti atënë na ndö ti Ezekias, na aye ti koli so kue lo sara, na kota du ti ngu so lo zi, na du so lo zi na gbe ti sese titene ngu asua daa ti li na ya ti gbata ni, a su tënë ni na ya ti “Mbeti ti aye so agbia ti Juda asara”.

2 Mbai 32:30

Ezekias nga laa akanga lege na li ti ngu ti Gihon na mbage ti nduzu ti sua; lo zi lege ni titene asua ti gue na gbeni na mbage ti Do, na Gbata ti David. Aye so kue Ezekias asara aga nzoni.

Néhémie 12:37

So ala si na yanga ti gbagba so iri ni Ti-ngu awe, andaa ala si na Gbata ti David. Ala ma eskalie ti gbata ni si ala ko na ndö ti gbagba ni so ayeke na nduzu ahon yangbo ti David. Na pekoni, ala gue ngbii ala si na yanga ti gbagba so iri ni Ngu, na mbage ti To ti gbata ni.

Néhémie 3:15

Shalun, molenge ti Kol-Hoze, makonzi ti kete sese ti Mispa asara yanga ti gbagba so iri ni Ti-li-ti-ngu. So lo sara yanga ti gbagba ni awe, lo sara li ni daa; lo zia ale ti yanga ti gbagba ni daa, na angbongboro wen ti kangango na ni nga na akerere ni. Lo leke nga gbagba so ayeke nduru na *lende ti Siloe, na popo ti pendere ndo ti gbia so a lu akongo daa nga na eskalie so alondo na Gbata ti David ti zu na gbeni.

Néhémie 3:16

Na peko ti Shalun kâ, Néhémie, molenge ti Azbuk, makonzi ti kete sese ti Bet-Sur, ayeke sara ti lo kua ni ti gue na ni na tere ti du ti kuâ ti David; lo gue na ni ngbii lo si na lende so azo laa azi ni, ngbii lo si na tere ti da ti aturugu ti batango gbia.

Zo ti bongbingo azo 2:6

Mbi zi *alende ti to ngu ni ti tuku na ndö ti gba ti akeke so mbi lu.