Néhémie 2:12 - Mbeti ti Nzapa - Tënë so amu fini

¹² Ye so Nzapa azia na be ti mbi ti sara ndali ti Jérusalem, mbi tene tënë ni na zo oko pepe. Na pekoni, mbi londo na bi, mbi na ambeni zo so mbi mu ala na tere ti mbi. Mbi gue na mbeni nyama nde pepe, gi lele so mbi duti na ndö ti lo ti tambula na lo.

Néhémie 2:12 ပူးပေါင်းရင်းမြစ်များ

Esdras 7:27

Esdras atene: “Mbi mu singila na *KOTA GBIA, Nzapa ti akotara ti e! Lo laa lo zia na be ti gbia titene lo ne kota da ti Nzapa ti Jérusalem.

Néhémie 2:11

So mbi si na Jérusalem, mbi duti kâ lango ota.

Néhémie 2:13

Na bi, mbi sigigi na yanga ti gbata so iri ni Ti-popo-hoto, mbi gue na mbage ti li ti ngu so iri ni Ti-nyama-so-akpa-ngunde nga na mbage ti yanga ti gbata so iri ni Ti-puru. Mbi baa mbage ti afango gbagba ti Jérusalem nzoni; mbi baa so a koro adu kirikiri na ya ti gbagba ni si wâ agbi ayanga ti gbagba ni kue.

Abia (Psaumes) 122:6

Azo, ala hunda siriri ndali ti Jérusalem! Ayeke nzoni azo so aye mo aduti nzoni!

Abia (Psaumes) 51:18

Mo ye *sandaga pepe. Tongana mo ye fade sandaga ti anyama so a gbi ni kue na wâ, ka mbi mu ni na mo awe; me so laa anzere na be ti mo pepe.

Amato 12:23

Zo ti hango le ayeke honde ye so lo hinga; me azo ti buba afa polele tënë ti buba ti ala.

Zo ti bongbingo azo 3:7

Ngoi ti surungo bongo ayeke daa, ngoi ti fungo bongo ayeke daa; ngoi ti kaingo kpoo ayeke daa, ngoi ti tenengo tënë ayeke daa.

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Jérémie 32:40

Mbi na ala e yeke sara *mbuki so angba lakue lakue: mbi yeke kiri ti zia peko ti mbi na ala pepe, me mbi yeke ngba ti sara nzoni na ala. Mbi yeke zia na be ti ala kpengo mbeto ti mbi, tongaso si ala kiri ti hon yongoro na tere ti mbi pepe.

Amos 5:13

Ngoi ni so ayeke ngoi ti sioni, ndani laa zo ti ndara akai kpoo.

Mishe 7:5

Ala azo, azo so ayeke nduru na ala, ala yeda na tënë ti ala pepe; azo so ala ye ala mingi so, ala zia be ti ala na ndö ti ala pepe. Ataa na awali ti ala wani, ala bata yanga ti ala.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Matthieu 2:14

Joseph alondo gi na bi ni, lo mu molenge ni, lo na mama ti lo si lo kpe, lo gue na Ezipte.

2 Korente 8:16

E mu singila na Nzapa so azia na be ti Tite nzara ti sara na ala tongana ti so e nga, e yeke na nzara ti sara na ala.

Josué 10:9

Josué alondo na Gilgal, lo tambula bi bi bi; lo ti na ndö ti azo ti mara ti Amori, zo oko ahinga gango ti lo pepe.

Aye so Nzapa afa 17:17

Biani, Nzapa azia na be ti ala titene ala sara gi ye so lo wani, lo ye. Fade tënë ti be ti ala ayeke gi oko, ala yeke mu komandema ti ala na nyama ni ngbii ye kue asi alingbi na tënë ti Nzapa.

Awafango-ngbanga 6:27

Gédéon amu akoli baleoko na popo ti azo ti kua ti lo, lo sara ye so KOTA GBIA ahunda na lo. Lo sara ye ni na kota lâ pepe; lo sara ni na bi ndali ti so lo sara mbeto ti azo ti da ti babâ ti lo nga na azo ti gbata ni.

Awafango-ngbanga 9:32

Tongaso mbi hunda na mo ti londo gi na bi so, mo na azo ti mo, ala gue, ahonde tere ti ala na ya ti ngonda.