Néhémie 2:1 - Mbeti ti Nzapa - Tënë so amu fini

¹ Na ngu baleuse ni so Artakzerses ayeke le-gbia, na nze ti Nisan, na ndembe so gbia aduti ti te kobe, mbi mu samba mbi tuku ni na lo. Mbi yeke na vundu; laoko mbi si na dawa ti lo tongaso pepe.

Néhémie 2:1 ပူးပေါင်းရင်းမြစ်များ

Tongo nda ti aye 40:11

Kopo ti gbia Faraon ayeke na maboko ti mbi. Mbi mu agba ti le ti vinye ni, mbi pete ngu ni na ya ti kopo ti Faraon si mbi mu na lo.”

Tongo nda ti aye 40:21

Lo kiri na makonzi ti azo ti mungo samba na lo na kua ti lo si lo yeke mu samba na gbia.

Esdras 4:7

Na ngoi so Artakzerses ayeke le-gbia na kodro ti Perse, Bishelam, Mitredat, Tabeel na ambeni mba ti ala asu nga mbeti na gbia Artakzerses. Ala su mbeti ni na yanga ti arameen nga na kode ti sungo agere ti mbeti ti yanga ti arameen.

Esdras 7:1

Na peko ti aye so, na ngoi so Artakzerses ayeke gbia na kodro ti Perse, mbeni zo alondo na Babilone asi; iri ti lo Esdras. Esdras ayeke mbeni *hale ti kota wayango-sandaga Aaron. Molongo ti ahale ti Esdras ayeke tongaso: Esdras ayeke molenge ti Seraya; Seraya ayeke molenge ti Azaria; Azaria ayeke molenge ti Hilkia; Hilkia ayeke molenge ti Shalum; Shalum ayeke molenge ti Sadok; Sadok ayeke molenge ti Ahitub; Ahitub ayeke molenge ti Amaria; Amaria ayeke molenge ti Azaria; Azaria ayeke molenge ti Merayot; Merayot ayeke molenge ti Zeraya; Zeraya ayeke molenge ti Uzi; Uzi ayeke molenge ti Buki; Buki ayeke molenge ti Abishua; Abishua ayeke molenge ti Pinas; Pinas ayeke molenge ti Elazar; Elazar ayeke molenge ti Aaron. Esdras ahinga mbeti mingi, lo hinga nga *Ndia ti *KOTA GBIA mingi, Ndia so KOTA GBIA, Nzapa ti Israel afa na Moïse so. Ndali ti so maboko ti KOTA GBIA Nzapa ti Esdras ayeke na ndö ti lo, gbia ayeke mu na lo aye so kue lo hunda.

Esdras 7:7

Na ya ti ngu mbarambara so Artakzerses ayeke gbia, ambeni zo ti Israel, ambeni wayango-sandaga, ambeni zo ti mara ti Lévi, ambeni zo ti hengo bia, ambeni sanziri na ambeni zo ti kua ti kota da ti Nzapa, akiri na Jérusalem.

Néhémie 1:1

Mbai ti Néhémie, molenge ti Hakalia. Na ngu baleuse ni so Artakzerses ayeke le-gbia na Perse, na nze ti Kisleu, mbi, Néhémie, mbi yeke na Suze, kota gbata so a sara ngangu gbagba na tere ni.

Néhémie 1:11

KOTA GBIA, mbi gbu gere ti mo, mo zi mê ti mo, mo ma sambela ti mbi, zo ti kua ti mo. Mo ma nga sambela ti azo ti kua ti mo, ala so ayeke na ngia ti ne iri ti mo. Mo sara si aye ti mbi, zo ti kua ti mo, aga nzoni laso. Mo sara si ye so mbi yeke hunda na gbia, lo kiri tënë na mbi na nzoni be.” Biani, mbi yeke lani zo ti mungo samba na gbia.

Esther 3:7

Na ngu baleoko na use so Zerses aga gbia, na kozo nze so iri ni nze ti Nisan, Haman amu yanga titene a bi zeke so iri ni purim. Ala bi zeke ni ti mu lege na ala ti hinga lango wa na nze wa so ala lingbi ti fâ azuife ni. Zeke ni afa nze ti Adar so ayeke nze baleoko na use ni.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.