Néhémie 13:9 - Mbeti ti Nzapa - Tënë so amu fini

⁹ Na pekoni, mbi mu yanga titene a sukula ya ti kubu ni si a kiri na akungba ti ya ti kota da ti Nzapa, asandaga na dukani.

Néhémie 13:9 ပူးပေါင်းရင်းမြစ်များ

2 Mbai 29:5

Lo tene na ala, lo tene: “Ala azo ti mara ti Lévi, ala ma mbi si! Fadeso, ala zia tere ti ala nde ndali ti Nzapa, ala zia nga kota da ti KOTA GBIA, Nzapa ti akotara ti ala nde ndali ti Nzapa. Aye so kue ayeke *sioni na ya ti da so ayeke nde si ayeke nzoni kue so, ala zi ni.

Néhémie 10:37

E yeke ga na akozo molenge ti e nga na akozo molenge ti anyama ti e, tongana ti so Ndia afa. E yeke ga nga na akozo molenge ti abagara ti e, akozo molenge ti ataba na ti angasa ti e na ya ti kota da ti Nzapa ti e; e yeke mu ala na awayango-sandaga so ayeke sara kua na ya ti kota da ti Nzapa.

Néhémie 12:45

Ala yeke sara kua ti Nzapa ti ala, ala yeke sara nga kua ti *sukulango sioni ti azo. Azo ti hengo bia na azo ti batango yanga ti gbagba, ala nga asara ye alingbi na yanga so David na molenge ti lo Salomon amu.

Ezekiel 40:38

Na ya ti kota kubu, lege ayeke daa ti li na ya ti mbeni kete da so ayeke na tere ti kota kubu ni. Na ya ti kete da so laa a yeke sukula anyama so a yeke gbi ni kue na wâ.