Néhémie 13:5 - Mbeti ti Nzapa - Tënë so amu fini

⁵ Eliashib amu na Tobia mbeni kota kubu so a yeke bata na ya ni *asandaga ti ale ti kobe, dukani na agbakuru nde nde ti kota da ti Nzapa, na asandaga so a yeke mu na awayango-sandaga, *adime ti ble, ti fini vin na ti mafuta; adime ti aye so a bata ndali ti azo ti mara ti Lévi, azo ti hengo bia na azo ti batango yanga ti gbagba.

Néhémie 13:5 ပူးပေါင်းရင်းမြစ်များ

2 Mbai 31:11

Ezekias amu yanga titene ala leke akubu na ya ti kota da ti KOTA GBIA ti bata aye ni daa. Tongaso ala leke akubu ni.

2 Mbai 34:11

Tongaso ala futa na asarapande nga na amason, ala vo atêne so a de tere ni dengo na akeke ti leke na li ti ada so agbia ti Juda azia si abuba so.

Néhémie 10:36

Na ngu oko oko nga, e yeke ga na akozo le ti kobe ti yaka ti e nga na akozo le ti keke ti e na ya ti kota da ti Nzapa.

Néhémie 10:37

E yeke ga na akozo molenge ti e nga na akozo molenge ti anyama ti e, tongana ti so Ndia afa. E yeke ga nga na akozo molenge ti abagara ti e, akozo molenge ti ataba na ti angasa ti e na ya ti kota da ti Nzapa ti e; e yeke mu ala na awayango-sandaga so ayeke sara kua na ya ti kota da ti Nzapa.

Néhémie 10:38

Fade e yeke mu nga na awayango-sandaga ni mbeni mbage ti nzoni farini ti e, nga na asandaga nde nde ti ale ti keke ti e, ti fini vin na ti mafuta. E yeke gue na aye ni so na ya ti ada so ayeke na ya ti gbagba ti kota da ti Nzapa. E yeke mu na azo ti mara ti Lévi *dime ti ale ti kobe ti yaka ti e. Azo ti mara ti Lévi ayeke gue ala wani ti mu adime ni na ya ti agbata so kue e yeke sara kua daa.

Néhémie 12:44

Na lango ni so, a soro ambeni zo titene ala baa ndo na ndö ti ada ti batango akozo le ti keke, akozo le ti kobe nga na *adime ti akobe ti yaka. Kua ti azo ni ayeke ti bata na ya ti ada ni so ale ti kobe so *Ndia ahunda na azo titene ala ga na ni na awayango-sandaga nga na azo ti mara ti Lévi. Ale ti kobe ni alondo na ya ti ayaka so azo afâ si angoro agbata. Biani, be ti azo ti Juda anzere mingi na kua so awayango-sandaga na azo ti mara ti Lévi ayeke sara.

Néhémie 13:7

ti kiri na Jérusalem. So mbi kiri awe, mbi ma tënë ti sioni ye so Eliashib asara: lo mu mbeni kota kubu ti ya ti gbagba ti kota da ti Nzapa na Tobia.

Ezekiel 40:38

Na ya ti kota kubu, lege ayeke daa ti li na ya ti mbeni kete da so ayeke na tere ti kota kubu ni. Na ya ti kete da so laa a yeke sukula anyama so a yeke gbi ni kue na wâ.