Néhémie 13:4 - Mbeti ti Nzapa - Tënë so amu fini

⁴ Kozoni si ye so asi, a soro wayango-sandaga Eliashib titene lo baa ndo na ndö ti ada so ayeke na ya ti gbagba ti kota da ti Nzapa ti e; Eliashib ayeke zo ti sewa ti Tobia.

Néhémie 13:4 ပူးပေါင်းရင်းမြစ်များ

Néhémie 12:10

Yeshua adu Yoyakim; Yoyakim adu Eliashib; Eliashib adu Yoyada;

Néhémie 12:44

Na lango ni so, a soro ambeni zo titene ala baa ndo na ndö ti ada ti batango akozo le ti keke, akozo le ti kobe nga na *adime ti akobe ti yaka. Kua ti azo ni ayeke ti bata na ya ti ada ni so ale ti kobe so *Ndia ahunda na azo titene ala ga na ni na awayango-sandaga nga na azo ti mara ti Lévi. Ale ti kobe ni alondo na ya ti ayaka so azo afâ si angoro agbata. Biani, be ti azo ti Juda anzere mingi na kua so awayango-sandaga na azo ti mara ti Lévi ayeke sara.

Néhémie 13:28

Mbeni molenge oko ti Yoyada, tara ti kota wayango-sandaga Eliashib amu molenge ti Sanebalat, zo ti gbata ti Horon, ti ga wali ti lo. Ndani laa, mbi tumba lo ti londo na Jérusalem.

Néhémie 2:10

Sanebalat, zo ti gbata ti Horon, lo na Tobia, zo ti mara ti Amon so ayeke mu maboko na lo ama a tene, mbeni zo ayeke ga ti sara mbeni ye ti nzoni ndali ti azo ti Israel, be ti ala aso mingi.

Néhémie 3:1

Kota wayango-sandaga Eliashib alondo ti gbu kua ni, lo na amba ti lo awayango-sandaga. Ala kiri aleke yanga ti gbagba so iri ni Ti-ataba. So ala zia ayanga ti gbagba ni daa awe, ala zia ni nde ndali ti Nzapa. Na pekoni, ala kiri aleke gbagba ni ague ngbii asi na tere ti kota da so ayo na nduzu so iri ni Ngbangbo. Ala zia nga ni nde ndali ti Nzapa. Ala hon ala si na kota da ti Hananeel so ayo na nduzu.

Néhémie 6:1

Sanebalat, Tobia, Geshem so ayeke arabu, ala na ambeni wato ti e ama a tene, mbi leke gbagba ti gbata ni awe si adu ayeke na ya ni mbeni pepe. Na ndembe ni so, mbi de ti zia ayanga ti gbagba ni daa pepe.