Néhémie 13:26 - Mbeti ti Nzapa - Tënë so amu fini

²⁶ Mbi tene na ala, mbi tene: “Ndali ti mungo awali wande laa Salomon, gbia ti azo ti Israel, asara siokpari pepe? Na popo ti amara mingi, mbeni gbia ti lingbi na lo ayeke daa pepe. Nzapa ti lo aye lo si amu lo ti ga gbia ti Israel kue. Andaa awali wande asara si Salomon ati na ya ti siokpari.

Néhémie 13:26 ပူးပေါင်းရင်းမြစ်များ

1 Agbia 21:25

Mbeni zo ti ka tere ti lo ti sara sioni na le ti KOTA GBIA tongana Akab ayeke daa laoko pepe. Biani, wali ti lo Yezabel laa ayeke pusu lo ti sara sioni.

1 Agbia 3:12

mbi yeke sara ye alingbi na ye so mo hunda: mbi yeke mu na mo ndara na hingango ndo. Mbeni zo ti duti na ndara tongana mo ayeke daa pepe, ataa kozo na mo wala na peko ti mo.

1 Agbia 3:13

Ataa ye so mo hunda pepe, mbi yeke mu ni na mo; mbi yeke mu na mo mosoro na gonda. Na gigi ti mo kue, mbeni gbia ti lingbi na mo ayeke duti daa pepe.

1 Agbia 4:1

Salomon ayeke lani gbia na ndö ti azo ti Israel kue.

2 Mbai 1:12

mbi mu na mo ndara na hingango ndo awe. Na ndö ni, mbi yeke mu na mo mosoro, anzoni ye nga na gonda. Mo yeke wara ni ahon agbia so kue aga kozo ti mo wala ala so ayeke ga na peko ti mo.”

2 Mbai 9:22

Gbia Salomon ahon agbia ti sese kue na mosoro nga na ndara.

Amato 31:3

Mo buba ngangu ti mo na tere ti awali pepe; awali so ayeke buba lege ti agbia so, mo zia fini ti mo na maboko ti ala pepe.

Zo ti bongbingo azo 7:26

Ye so mbi baa ayeke so: wali so ayeke tongana kuku ti gbu zo ayeke sioni mingi ahon kuâ. Be ti lo ayeke tongana gbanda. Maboko ti lo ayeke tongana kamba so ayeke gbu mo. Zo so asara ye so anzere na be ti Nzapa ayeke kpe na maboko ti wali ni. Me zo ti siokpari ayeke ti na ya ti maboko ti lo.