Néhémie 13:25 - Mbeti ti Nzapa - Tënë so amu fini

²⁵ Mbi suku na azuife ni si mbi deba ala. Mbi pika ambeni zo na popo ti ala si mbi gboto kua ti li ti ala. Na pekoni, mbi tene na ala ti deba yanga ti ala na iri ti Nzapa ti kiri ti mu amolenge ti ala ti wali pepe na awande. Ala nga, alingbi ala mu awali wande pepe ti ga wali ti ala wani wala ti amolenge ti ala ti koli.

Néhémie 13:25 ပူးပေါင်းရင်းမြစ်များ

2 Agbia 2:24

Élisée abaa ndo na peko, lo baa ala si lo deba ala na iri ti *KOTA GBIA. Tongaso amama ti *urse use alondo na ya ti ngonda asigigi si asuru ya ti amaseka baleosio na use na popo ti ala so.

Esdras 10:5

Esdras alondo. Lo hunda na ngangu na amakonzi ti awayango-sandaga, azo ti mara ti Lévi na azo ti Israel kue ti deba yanga ti ala, ti fa so ala yeke sara ye alingbi na tënë so Shekania atene. Tongaso azo ni kue adeba yanga ti ala.

Esdras 7:26

Tongana mbeni zo ake ti sara ye alingbi na Ndia ti Nzapa ti mo si lo ke ti sara ye alingbi na ndia ti gbia, fade a yeke fâ ngbanga na li ti lo alingbi na ni: ngbanga ti kuâ, wala a yeke tumba lo na ya ti kodro ni, wala a yeke gbu aye ti lo wala a yeke bi lo na da ti kanga.”

Néhémie 13:11

Mbi suku na amakonzi, mbi tene: “Azo ado kota da ti Nzapa azia ngbanga ti nyen?” Na pekoni, mbi iri azo ti mara ti Lévi na azo ti hengo bia si mbi kiri ala na kua ti ala.

Néhémie 13:17

Mbi suku na akota zo ti sese ti Juda, mbi tene: “Ala baa sioni ye so ala yeke sara so? Ala sara si lango ti wungo tere aga sioni!

Néhémie 13:24

Ndambo ti amolenge ti ala ayeke tene yanga ti kodro ti azo ti mara ti Asdod. Ambeni ayeke tene mbeni yanga ti kodro nde; me mbeni molenge oko ti tene yanga ti kodro ti azuife ayeke daa pepe.

Néhémie 5:13

Na pekoni, mbi yingi yanga ti kota bongo ti mbi si mbi tene: “Zo so kue ayeke sara ye alingbi na tënë ti yanga ti lo pepe, ayeke nzoni Nzapa ayingi lo legeoko tongaso. Ayeke nzoni Nzapa azi lo na ya ti da ti lo nga amosoro ti zo ni!” – Bongbi ti azo ni kue atene: “Amen! Ayeke nzoni ye ni aduti tongaso!” Ala kue asepela *KOTA GBIA si na pekoni, ala sara ye alingbi na tënë ti yanga ti ala.

Néhémie 5:6

So mbi ma tënë so nga na demango tere ti ala ni, ngonzo agbu mbi mingi.

Abia (Psaumes) 119:53

Ngonzo agbu mbi ngangu mingi na tere ti azo ti sioni so azia lege ti ndia ti mo.

Abia (Psaumes) 15:4

Zo so Nzapa ake tënë ti lo, na le ti lo, lo baa zo ni tongana mbumbuse zo, me lo yeke ne zo so ayeke kpe mbeto ti KOTA GBIA. Tongana lo mu zendo ti sara mbeni ye, ataa so zendo ni ayeke ga na kpale na tere ti lo, lo yeke sara ni.

Sigingo 34:16

Tongana ala mu awali ti kodro ni ti ga awali ti amolenge ti ala, fade awali ni ayeke kpe na peko ti anzapa ti ala si ala yeke handa amolenge ti ala, azo ti Israel ti kpe nga na peko ti anzapa ti awali ni.

Amato 28:4

Azo so azia lege ti *Ndia, ala yeke gonda azo ti sioni; me azo so abata lege ti Ndia, ala yeke kanga lege na azo ti sioni ni.

Ésaïe 50:6

Mbi zia peko ti mbi na azo so ayeke pika mbi, mbi yoro ngbangba ti mbi na azo so ayeke gboto kua ti yanga ti mbi. Azo so ayeke zonga mbi si ala yeke tuku ngu ti yanga na le ti mbi, mbi honde le ti mbi na ala pepe.

Ndia ti fani use ni 6:13

Fade ala yeke kpe mbeto ti KOTA GBIA Nzapa ti ala, ala yeke voro gi lo oko si ala yeke deba yanga ti ala gi na iri ti lo.

Ndia ti fani use ni 7:3

ala sara kogara na azo ti amara ni pepe, ala mu amolenge ti ala ti wali pepe ti ga awali ti amolenge ti ala ti koli; ala soro na popo ti amara ni pepe awali ti mu na amolenge ti ala ti koli.

Josué 23:12

Tongana ala zia lege ti KOTA GBIA si ala ngba na tere ti amara so ayeke na popo ti ala, tongana ala mu amolenge ti ala ti wali ti ga awali ti ala, tongana ala gue na ndo ti amara ni si amara ni aga na ndo ti ala,