Néhémie 13:2 - Mbeti ti Nzapa - Tënë so amu fini

² Biani, ando ala yamba azo ti Israel pepe na mungo na ala kobe na ngu. Azo ti mara ti Moab amu nginza na Balaam titene lo deba azo ti Israel. Me Nzapa ti e asara si tënë ti deba ni akiri aga tufa na ndö ti azo ti Israel.

Néhémie 13:2 ပူးပေါင်းရင်းမြစ်များ

Abia (Psaumes) 109:28

Ti azo ni, ala yeke deba mbi, me mo, mo yeke sara tufa na ndö ti mbi. Tongana ala londo ti tiri na mbi, fade kamene ayeke sara ala, me mbi, zo ti kua ti mo, mbi yeke duti na ngia.

Mishe 6:5

Ala azo ti mbi, ala dabe ti ala na ye so Balak, gbia ti Moab, aleke ando na be ti lo ti sarango ni, nga na tënë so Balaam, molenge ti Beor, akiri na ni na Balak so. Ala dabe ti ala nga na londongo so azo ti Israel alondo na Shitim ngbii ala si na Gilgal so. Tongaso, fade ala yeke hinga lege so KOTA GBIA ayeke sara nzoni na azo ti lo.”

Wungo ti azo 23:18

Tongaso Balaam adiko bia so, lo tene: “Balak, londo, mo ma mbi si! Molenge ti Sipor, dingi mê ti mo, mo ma mbi!

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

Ndia ti fani use ni 23:3

Zo so babâ ti lo adu lo na mbeni wali nde, alingbi lo li na ya ti bongbi ti azo ti KOTA GBIA pepe. Ti londo na lo ngbii asi na molongo ti *ahale ti lo baleoko, alingbi zo oko ali na ya ti bongbi ti azo ti KOTA GBIA pepe.

Ndia ti fani use ni 23:4

Fade azo ti mara ti Amon na ti Moab ayeke li laoko pepe na ya ti bongbi ti azo ti KOTA GBIA. Ti londo na ala ngbii asi na molongo ti ahale ti ala baleoko, fade zo oko ayeke li na ya ti bongbi ti azo ti KOTA GBIA pepe.

Ndia ti fani use ni 23:5

Biani, na ndembe so ala, azo ti Israel, ala sigigi na sese ti Ezipte, azo ni so amu kobe na ngu ti ga ti yamba na ala na lege pepe; me ala mu nginza na Balaam, molenge ti Beor si lo londo na Petor, na sese ti Mezopotamii ti nduzu, lo ga ti deba ala.

2 Pierre 2:15

Ala do lege ti mbirimbiri azia awe, ala girisa lege si ala mu peko ti Balaam, molenge ti Bosor. Balaam ayeda ti wara nginza titene lo sara ye ti sioni.