Néhémie 13:18 - Mbeti ti Nzapa - Tënë so amu fini

¹⁸ Akotara ti ala asara ando gi tongaso. Ndani laa Nzapa ti e asara si akpale so kue aga na ndö ti e nga na gbata ti e. Ti ala, na sarango titene lango ti wungo tere aga sioni, ala yeke sara titene ngonzo ti Nzapa akiri alondo ngangu na tere ti azo ti Israel”.

Néhémie 13:18 ပူးပေါင်းရင်းမြစ်များ

Néhémie 10:32

Na *lango ti wungo tere, wala na mbeni lango ti matanga, tongana azo so aga na *ble, wala na akungba nde ti kango ni, fade e yeke vo ni na maboko ti ala pepe. Lakue na peko ti ngu mbarambara, fade e yeke zia sese awu tere, e yeke zi ayongo kue na li ti azo.

Sigingo 31:12

KOTA GBIA atene na Moïse:

Jérémie 17:27

Me tongana ala ma mbi pepe, tongana ala ke ti bata lango ti wungo tere nde ndali ti mbi, tongana ala yo akungba na lango ni so si ali na ni na yanga ti gbagba ti Jérusalem, fade mbi yeke bi wâ na tere ti ayanga ti gbagba ni. Wâ ni ayeke gbi apendere da ti gbata ni si ayeke mingo pepe.’ ”

Jérémie 44:22

KOTA GBIA akanga be ti lo gbaa na asioni sarango ye ti ala nga na asioni sarango ye ti ala so zo alingbi ti baa na le ti lo fani use pepe so. Ndani laa kodro ti ala aga ndo ti gba ti atêne, aga ngonda si zo ayeke daa mbeni pepe, aga tapande ndali ti azo so ayeke deba amba ti ala; ye ni laa a yeke baa ni laso so.

Jérémie 44:23

Ndani so kpale ni asi na ala ayeke so: ala zö dukani na anzapa nde, ala sara siokpari ti ke KOTA GBIA, ala ma yanga ti lo pepe, ala ke ti sara ye alingbi na aye so lo fa, andia ti lo nga na awango ti lo; ye ni laa a yeke baa ni laso so.”

Jérémie 44:9

Sioni so kue ababâ ti ala, agbia ti Juda na awali ti ala asara nga na sioni so ala wani na awali ti ala asara na kodro ti Juda nga na ndö ti abalabala ti Jérusalem so, be ti ala agirisa na ni awe?

Ezekiel 23:26

Ala yeke ro abongo ti mo, ala yeke mu aye ti pendere ti mo.

Ezekiel 23:8

Lo ngba ti sara aye ti ndumba ni ti gue na ni tongana ti so lo sara lani na Ezipte so. Kâ, so lo de maseka, akoli alango na lo, ala gbu me ti lo ti maseka ti sara na ngia si ala tuku aye ti ndumba ti ala na ndö ti lo.

Awayango-sandaga 26:18

“Na peko ti aye so kue, tongana ala ma yanga ti mbi pepe, fade mbi yeke kiri ti pika ala ngangu fani mbarambara ndali ti asiokpari ti ala.

Awayango-sandaga 26:28

fade mbi nga, na sioni ngonzo na be ti mbi, mbi yeke sara ngangu li na ala; mbi wani, mbi yeke kiri ti pika ala fani mbarambara ndali ti asiokpari ti ala.

Amos 8:5

Ala yeke tene: “Lawa laa matanga ti fini nze ayeke hunzi si e lingbi ti ka kobe ti e so-oo? Lawa laa *lango ti wungo tere ayeke hunzi si e lingbi ti zi yanga ti ada ti kango ale ti kobe ti e so-oo? Fade e yeke pika ngbonda ti sembe ti hakango na ye, e yeke pusu ngere na nduzu, e yeke sanze kilo ti nzi azo na ni.

Wungo ti azo 32:14

Ala, mara ti azo ti sarango siokpari so, ala ye ti mu peko ti sarango ye ti ababâ ti ala titene ngonzo ti KOTA GBIA alondo na tere ti azo ti Israel?