Néhémie 13:16 - Mbeti ti Nzapa - Tënë so amu fini

¹⁶ Azo ti Tir so alango na Jérusalem ayeke nga daa. Ala yeke ga na asusu na akungba nde nde ti ka ni na lango ti wungo tere na azo ti Juda nga na azo ti Jérusalem.

Néhémie 13:16 ပူးပေါင်းရင်းမြစ်များ

Néhémie 13:15

Na ngoi ni so, mbi baa so na sese ti Juda, ambeni zo ayeke pete ale ti *vinye na ya ti du so a leke ti pete ale ti vinye daa; ala yeke pete ale ti vinye ni na *lango ti wungo tere. Ambeni akanga gba ti ale ti kobe na ndö ti alele, vin, ale ti vinye, fige na ambeni ye nde nde si ala yeke gue na ni na Jérusalem na lango ti wungo tere. Mbi gboto mê ti ala na lango so ala yeke ka akungba ti ala ni.

Néhémie 13:17

Mbi suku na akota zo ti sese ti Juda, mbi tene: “Ala baa sioni ye so ala yeke sara so? Ala sara si lango ti wungo tere aga sioni!

Sigingo 20:10

Me lango mbarambara ni ayeke lango ti wungo tere ndali ti mbi KOTA GBIA, Nzapa ti mo. Na lango ni so, alingbi mo sara kua oko pepe; ataa mo, ataa molenge ti mo ti koli, ataa molenge ti mo ti wali, ataa zo ti kua ti mo ti koli, ataa zo ti kua ti mo ti wali, ataa anyama ti mo, ataa wande so ayeke lango na kodro ti mo.

Sigingo 23:12

“Na ya ti lango omene, fade ala yeke sara akua ti ala. Me na lango mbarambara ni, ala wu tere ti ala; tongaso si bagara ti ala na lele ti ala alingbi ti wu tere ti ala; tongaso si angbaa nga na awande so ayeke na ndo ti ala alingbi ti wu pupu.

Ndia ti fani use ni 5:14

Me lango mbarambara ni ayeke lango ti wungo tere so a zia nde ndali ti KOTA GBIA Nzapa ti mo. Na lango ni so, alingbi mo sara kua oko pepe, ataa mo, ataa molenge ti mo ti koli, ataa molenge ti mo ti wali, ataa zo ti kua ti mo ti koli, ataa zo ti kua ti mo ti wali, ataa bagara ti mo, ataa lele ti mo, ataa mbeni nyama ti mo oko, ataa wande so ayeke lango na kodro ti mo. Alingbi zo ti kua ti mo ti koli na ti wali awu tere ti ala tongana mo.