Néhémie 13:13 - Mbeti ti Nzapa - Tënë so amu fini

¹³ Mbi mu Shelemia, wayango-sandaga, lo na Sadok, wafango-ndia nga na Pedaya, zo ti mara ti Lévi, mbi zia ala ti bata ada ni. Mbi soro Hanan, molenge ti Zakur, molenge ti Matania, mbi zia lo na tere ti ala ti mu maboko na ala. A baa ala tongana azo so zo alingbi ti zia be ti lo na ndö ti ala. A mu ala titene ala laa akangbi aye na a-ita ti ala.

Néhémie 13:13 ပူးပေါင်းရင်းမြစ်များ

2 Agbia 12:15

A mu nginza ni kue na azo so ayeke na ndö ti kua ti lekengo kota da ni titene ala leke na kota da ti KOTA GBIA.

2 Agbia 12:16

Azo so a mu nginza ni na ala ti futa na azo ti kua ni, zo oko ahunda ala pepe titene ala fa peko ti nginza ni, ngbanga ti so ala sara ye na taa legeni na nginza ni.

2 Agbia 22:7

Nginza so a mu na ala so, zo ahunda ala ti fa peko ni pepe, ngbanga ti so ala yeke sara ye na taa legeni na nginza ni.”

Néhémie 10:12

Mika, Rehob, Hashabia,

Néhémie 10:38

Fade e yeke mu nga na awayango-sandaga ni mbeni mbage ti nzoni farini ti e, nga na asandaga nde nde ti ale ti keke ti e, ti fini vin na ti mafuta. E yeke gue na aye ni so na ya ti ada so ayeke na ya ti gbagba ti kota da ti Nzapa. E yeke mu na azo ti mara ti Lévi *dime ti ale ti kobe ti yaka ti e. Azo ti mara ti Lévi ayeke gue ala wani ti mu adime ni na ya ti agbata so kue e yeke sara kua daa.

Néhémie 11:22

Zo so ayeke na li ti azo ti mara ti Lévi ayeke Uzi, molenge ti Bani; Bani ayeke molenge ti Hashabia; Hashabia ayeke molenge ti Mika; Mika ayeke mbeni zo ti kete mara ti Asaf; kete mara so kua ti azo ni ayeke ti hengo bia na ya ti kota da ti Nzapa.

Néhémie 12:35

Na peko ti ala ayeke awayango-sandaga so agbu atatalita. Awayango-sandaga ni ayeke: Zakarii, molenge ti Jonatan; Jonatan ayeke molenge ti Shemaya; Shemaya ayeke molenge ti Matania; Matania ayeke molenge ti Mikaya; Mikaya ayeke molenge ti Zakur; Zakur ayeke molenge ti Asaf.

Néhémie 12:44

Na lango ni so, a soro ambeni zo titene ala baa ndo na ndö ti ada ti batango akozo le ti keke, akozo le ti kobe nga na *adime ti akobe ti yaka. Kua ti azo ni ayeke ti bata na ya ti ada ni so ale ti kobe so *Ndia ahunda na azo titene ala ga na ni na awayango-sandaga nga na azo ti mara ti Lévi. Ale ti kobe ni alondo na ya ti ayaka so azo afâ si angoro agbata. Biani, be ti azo ti Juda anzere mingi na kua so awayango-sandaga na azo ti mara ti Lévi ayeke sara.

Néhémie 3:30

Na peko ti lo kâ, Hanania, molenge ti Shelemia, lo na Hanun, omene molenge ti Salaf ayeke leke mbeni ndo ni. Na peko ti ala, Meshulam, molenge ti Berekia ayeke leke gbagba ni na ndo so abaa le na ndo ti lango ti lo.

Néhémie 7:2

Mbi mu yanga titene a zia ita ti mbi Hanani, lo na Hanania, komanda ti aturugu ti gbagba ti bira ti duti na li ti Jérusalem. Hanania ayeke zo so ayeke sara ye alingbi na tënë ti yanga ti lo, lo yeke kpe mbeto ti Nzapa ahon ambeni zo mingi.

Néhémie 8:4

Wafango-ndia Esdras aluti na ndö ti mbeni ye so a leke na nduzu na keke ndali ti bongbi ni. Matitia, Shema, Anaya, Uria, Hilkia na Maaseya aluti na tere ti lo, na mbage ti maboko ti lo ti koli; Pedaya, Mikael, Malkia, Hashum, Hashebadana, Zakarii na Meshulam aluti na tere ti lo, na mbage ti maboko ti lo ti wali.

Nzoni Tënë so Luc asu na mbeti 12:42

Kota Gbia atene na lo: “Ndombe so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti azo ti kua ti lo titene lo mu na ala kobe tongana ngbonga ni alingbi.

Awatokua 4:35

ala zia ni na gbe ti awatokua. Na pekoni, awatokua akangbi nginza ni na popo ti azo ni, zo oko oko awara ye alingbi na ye so atia lo.

Awatokua 6:1

Na ya ti alango ni so, wungo ti adisiple ayeke gue na nduzu. Azuife so ayeke tene yanga ti greke ayeke pa ala so ayeke tene yanga ti hebro, ngbanga ti so azuife so ayeke tene yanga ti hebro ayeke girisa awali-mua ti azuife so atene yanga ti greke na ndembe ti kangbingo ye ti lango oko oko.

Awatokua 6:3

A-ita, ayeke nzoni ala soro azo mbarambara na popo ti ala, azo so Yingo-Vuru asi ala, so azo ayeke tene nzoni tënë ti ala, azo ti ndara, fade e yeke zia kua so na maboko ti ala.

1 Korente 4:2

Me ye so a yeke hunda na awabatango-ye, ayeke titene ala sara kua ti ala na legeni.

1 Timothée 1:12

Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.

1 Timothée 3:10

Alingbi a tara ala kozoni. Na pekoni, tongana mbeni tënë ayeke na li ti ala pepe, a zia ala na yanga ti kua ti diakre ni.