Néhémie 13:10 - Mbeti ti Nzapa - Tënë so amu fini

¹⁰ Mbi ma nga atene, azo ti mara ti Lévi na azo ti hengo bia so ayeke sara kua ti KOTA GBIA ade ti wara ti ala asandaga so azo alingbi fade ti mu na ala so pepe. Ndani laa, zo oko oko akiri ti fâ yaka ti lo.

Néhémie 13:10 ပူးပေါင်းရင်းမြစ်များ

2 Mbai 31:4

Gbia amu yanga na azo so ayeke lango na Jérusalem ti mu ye so ayeke ti awayango-sandaga na ti azo ti mara ti Lévi na ala, tongaso si ala zia be ti ala kue na akua so Ndia ti KOTA GBIA afa.

Néhémie 10:37

E yeke ga na akozo molenge ti e nga na akozo molenge ti anyama ti e, tongana ti so Ndia afa. E yeke ga nga na akozo molenge ti abagara ti e, akozo molenge ti ataba na ti angasa ti e na ya ti kota da ti Nzapa ti e; e yeke mu ala na awayango-sandaga so ayeke sara kua na ya ti kota da ti Nzapa.

Néhémie 10:39

Mbeni wayango-sandaga oko ti *hale ti Aaron ayeke duti na tere ti azo ti mara ti Lévi na ndembe so ala yeke gue ti mu dime ni. Azo ti mara ti Lévi ayeke ga na dime ti adime ni na ya ti da ti mosoro ti kota da ti Nzapa.

Néhémie 12:47

Na ngoi ti Zorobabel na ti Néhémie, azo ti Israel kue ayeke mu aye na ya ti lango oko oko na azo ti hengo bia nga na azo ti batango yanga ti gbagba. Ala yeke mu nga aye so azia ni nde ndali ti azo ti mara ti Lévi si azo ti mara ti Lévi ayeke mu mbage ni na awayango-sandaga so ayeke amolenge ti Aaron.

Ésaïe 43:23

Ataba ti mo so a yeke gbi ni kue na wâ na *sandaga so, mo ga na ni na mbi pepe, mo mu ni ti gonda na mbi pepe. Mbi gbu mo na ngangu pepe ti ga ngbaa na mungo na mbi asandaga, wala mbi so li ti mo pepe ti zö na mbi dukani.

Malashii 3:8

Mbi kiri tënë na ala, mbi tene: Zo alingbi ti nzi Nzapa? Me ti ala, ala yeke nzi mbi! Ala hunda ndo, atene: ‘E nzi mo na nyen?’ Ala nzi mbi na ya ti *adime nga na ya ti aye nde nde so ala yeke mu na mbi.

Wungo ti azo 35:2

“Mo mu yanga na azo ti Israel titene, na ya ti asese ti ala wani, ala mu ambeni gbata na azo ti mara ti Lévi titene azo ti mara ti Lévi ni alango daa. Ala mu nga na ala ambeni sese so ayeke na tere ti agbata ni so.

Ndia ti fani use ni 12:19

Me ala sara hange si na ngoi so kue ala yeke ngba na fini na ya ti sese ni, ala baa azo ti mara ti Lévi tongana ambumbuse zo pepe.