Néhémie 12:45 - Mbeti ti Nzapa - Tënë so amu fini

⁴⁵ Ala yeke sara kua ti Nzapa ti ala, ala yeke sara nga kua ti *sukulango sioni ti azo. Azo ti hengo bia na azo ti batango yanga ti gbagba, ala nga asara ye alingbi na yanga so David na molenge ti lo Salomon amu.

Néhémie 12:45 ပူးပေါင်းရင်းမြစ်များ

2 Agbia 7:10

Ala kiri na ya ti gbata ni, ala iri asanziri ti yanga ti gbagba ni si ala tene na ala: “E gue, e li na ya ti bâbâ ti azo ti Sirii, me e baa zo oko pepe, e ma nga go ti zo oko pepe. Ye so e baa kâ ayeke gi ambarata na alele so a kanga ala kangango; azo ni ado ada ti bongo azia ahon.”

1 Mbai 23:28

Kua ti ala ayeke ti mu maboko na ahale ti Aaron na ya ti da ti KOTA GBIA, na ya ti gbagba ni nga na ya ti akubu ni; ala yeke *sukula sioni ti aye so kue a zia ni nde ndali ti Nzapa; ala yeke sara akua nde nde ti da ti Nzapa:

1 Mbai 26:26

Shelomit, lo na a-ita ti lo ayeke baa ndo na ndö ti aye so kue gbia David, na amakonzi ti asewa, na amakonzi ti aturugu 1 000 na ti aturugu 100 nga na amakonzi nde nde ti aturugu azia ni nde ndali ti Nzapa.

2 Mbai 23:6

Zo oko alingbi ti li na ya ti kota da ti KOTA GBIA pepe, gi awayango-sandaga na azo ti mara ti Lévi so ayeke sara kua. Ala lingbi ti li, ngbanga ti so a zia ala nde ndali ti KOTA GBIA. Fade azo kue asara ye alingbi na ye so KOTA GBIA ake tënë ni.