Néhémie 12:39 - Mbeti ti Nzapa - Tënë so amu fini

³⁹ E kiri e hon na ndö ti yanga ti gbagba so iri ni Ti-Efraim, na ndö ti yanga ti gbagba so iri ni Ti-Yeshana nga na ndö ti yanga ti gbagba so iri ni Ti-asusu. Na pekoni, e londo na kota da ti Hananeel so ayo na nduzu nga na kota da so iri ni Ngbangbo, e hon yanga ti gbagba so iri ni Ti-ataba si e gue, e luti na yanga ti gbagba so iri ni Ti-aturugu.

Néhémie 12:39 ပူးပေါင်းရင်းမြစ်များ

2 Agbia 14:13

Na Bet-Shemesh, Yoas, gbia ti Israel agbu Amasia, gbia ti Juda, molenge ti Yoas, molenge ti Ahazia. Lo gue na Jérusalem si lo kungbi mbage ti gbagba ti Jérusalem nduru na metere ngbangbo use, alondo na yanga ti gbagba so iri ni Ti-Efraim ngbii asi na mbeni yanga ni so iri ni Ti-Ndangoro.

Néhémie 12:40

Use bongbi ti azo ti hengo bia ni ague, aluti na ya ti kota da ti Nzapa. Mbi nga, mbi luti, mbi na ndambo ti akota zo so amu peko ti mbi.

Néhémie 3:1

Kota wayango-sandaga Eliashib alondo ti gbu kua ni, lo na amba ti lo awayango-sandaga. Ala kiri aleke yanga ti gbagba so iri ni Ti-ataba. So ala zia ayanga ti gbagba ni daa awe, ala zia ni nde ndali ti Nzapa. Na pekoni, ala kiri aleke gbagba ni ague ngbii asi na tere ti kota da so ayo na nduzu so iri ni Ngbangbo. Ala zia nga ni nde ndali ti Nzapa. Ala hon ala si na kota da ti Hananeel so ayo na nduzu.

Néhémie 3:25

Palal, molenge ti Uzai ayeke sara ti lo kua ni, ti londo na ndo so gbagba ni asi daa si angoro nga na da so ayo na nduzu ti yangbo ti gbia so ayeke na mbage ti nduzu, nduru na gbagba ti aturugu ti batango gbia. Na peko ti Palal kâ, Pedaya, molenge ti Parosh,

Néhémie 3:3

Azo ti Senaa asara yanga ti gbagba so iri ni Ti-asusu. Ala leke akadere ni si ala zia ale ti kadere ni daa, na angbongboro wen ti kangango na ni nga na akerere ni.

Néhémie 3:6

Yoyada, molenge ti Pasea, lo na Meshulam, molenge ti Besodia asara ti ala yanga ti gbagba so iri ni Ti-Yeshana. So ala leke akadere ni awe, ala zia ale ti kadere ni daa, angbongboro wen ti kangango na ni nga na akerere ni.

Néhémie 8:16

Tongaso azo ti Israel ague, afâ amaboko ti keke ti sara na akpangba. Ambeni asara ti ala kpangba ni na li ti ada ti ala, ambeni na ya ti gbagba ti ala wani, ambeni na ya ti gbagba ti kota da ti Nzapa, ambeni na kota ndo so ayeke na yanga ti gbagba so iri ni Ti-ngu si ambeni na kota ndo so ayeke na yanga ti gbagba so iri ni Ti-Efraim.

Jérémie 31:38

“So tënë ti yanga ti KOTA GBIA laa: Mbeni lango ayeke ga so a yeke kiri ti leke gbata ti Jérusalem ndali ti KOTA GBIA, ti londo na kota da ti Hananeel so ayo na nduzu, ngbii asi na yanga ti gbagba so iri ni Ti-Ndangoro.

Jérémie 32:2

Andaa na ngoi ni so, aturugu ti Babilone angoro Jérusalem ti mu ni na bira. Ti wayanga-Nzapa Jérémie, a gbu lo si a kanga lo na yangbo ti gbia ti Juda, mbirimbiri na ya ti gbagba ti aturugu ti batango gbia.

Sofonii 1:10

So tënë ti yanga ti KOTA GBIA laa: na lango ni so, azo ayeke ma dekongo na yanga ti gbagba Ti-asusu; azo ayeke ma kota dekongo na ya ti Fini Vaka, ala yeke ma go ti aye so ati ngangu na ndö ti akete hoto.

Jean 5:2

Na Jérusalem, nduru na yanga ti gbagba ti gbata ni so iri ni Ti-ataba, mbeni ngu ayeke daa, iri ni na yanga ti hebro ayeke Betzata. Averanda oku ayeke na tere ti ngu ni.