Néhémie 12:35 - Mbeti ti Nzapa - Tënë so amu fini

³⁵ Na peko ti ala ayeke awayango-sandaga so agbu atatalita. Awayango-sandaga ni ayeke: Zakarii, molenge ti Jonatan; Jonatan ayeke molenge ti Shemaya; Shemaya ayeke molenge ti Matania; Matania ayeke molenge ti Mikaya; Mikaya ayeke molenge ti Zakur; Zakur ayeke molenge ti Asaf.

Néhémie 12:35 ပူးပေါင်းရင်းမြစ်များ

1 Mbai 25:2

Amolenge ti Asaf: Zakur, Joseph, Netania na Asarela. Ala yeke sara kua na gbe ti babâ ti ala so ayeke he bia ti tene tënë so alondo na Nzapa alingbi na yanga so gbia amu.

2 Mbai 13:12

Fadeso, Nzapa wani ayeke makonzi ti e; awayango-sandaga ti lo ayeke na e, ala yeke na li ti e, ala yeke na atatalita ti huru ni si e yeke dekongo ti bira na li ti ala, azo ti Israel. Ala tiri bira na KOTA GBIA, Nzapa ti akotara ti ala pepe, ngbanga ti so ala lingbi ti so benda pepe.”

2 Mbai 5:12

Azo ti mara ti Lévi so ayeke azo ti hengo bia, Asaf, Heman, Yedutun, ala na amolenge ti ala nga na a-ita ti ala ayu abongo ti *len. Ala luti na tere ti gbalaka, na mbage ti To, ala gbu na maboko ti ala ngo, akota kundi na akete kundi. Awayango-sandaga ngbangbo oko na baleuse ayeke huru tatalita nduru na ala.

Néhémie 11:17

Ambeni zo ni ayeke Matania, molenge ti Mika; Mika ayeke molenge ti Zabdi; Zabdi ayeke molenge ti Asaf, makonzi so ayeke mu li ti bia ti sepelango Nzapa na ndembe so azo ayeke sambela; Bakebukia, ita ti Matania ayeke mu na lo maboko; Abda, molenge ti Shamua; Shamua ayeke molenge ti Galal; Galal ayeke molenge ti Yedutun.

Néhémie 12:34

Yehuda, Benjamin, Shemaya na Irmeya.

Néhémie 12:36

Zakarii na a-ita ti lo Shemaya, Azarel, Milalai, Gilalai, Maai, Nataneel, Yehuda na Hanani ayeke tambula na peko ti ala. Ala yo agbakuru ti mozoko so David, zo ti Nzapa aleke ni. Esdras, wafango-ndia ayeke na li ti kozo bongbi ti azo ti hengo bia ni.

Josué 6:4

Fade awayango-sandaga mbarambara amu adidi mbarambara ti akoli-taba si ala tambula na dawa ti sanduku ti *mbuki. Na lango mbarambara ni, fade ala tambula angoro gbata ni lege mbarambara si awayango-sandaga ahuru didi ti akoli-taba ni.