Néhémie 12:27 - Mbeti ti Nzapa - Tënë so amu fini

²⁷ So ala hunzi ti leke gbagba ti Jérusalem awe, a tokua titene a iri azo ti mara ti Lévi so ayeke lango na ando nde nde ti ga na Jérusalem ti sara matanga ti ziango gbagba ti gbata ni nde ndali ti Nzapa. Ala sara matanga ni na ngia, na lege ti abia ti sepelango Nzapa, na lege ti pikango ngo, akota kundi na akete kundi.

Néhémie 12:27 ပူးပေါင်းရင်းမြစ်များ

2 Samuel 6:12

Azo ague, atene na gbia David, atene: “Ndali ti sanduku ti *mbuki ti Nzapa, *KOTA GBIA asara tufa na ndö ti sewa ti Obed-Edom na aye ti lo kue.” Tongaso, David alondo, lo gue na da ti Obed-Edom, lo mu sanduku ti mbuki ti Nzapa si lo kiri na ni na Gbata ti David, na ngia na be.

1 Agbia 8:63

Salomon amu sandaga ti beoko na KOTA GBIA: abagara saki baleuse na use, ataba na angasa saki ngbangbo oko na baleuse. Lege so lo na azo ti Israel kue asara matanga ti ziango kota da ni nde ndali ti KOTA GBIA laa.

1 Mbai 13:8

David na azo ti Israel kue afa ngia ti ala na dawa ti Nzapa na ngangu ti ala kue. Ala yeke he bia na aye ti mozoko tongana akota kundi, akete kundi, akete ngo, awen so atoto nga na atatalita.

1 Mbai 15:12

Lo tene na ala: “Ala so ayeke amakonzi ti sewa ti mara ti Lévi, ayeke nzoni ala na a-ita ti ala, ala zia tere ti ala nde ndali ti Nzapa, na pekoni ala gue, amu sanduku ti mbuki ti KOTA GBIA, Nzapa ti Israel, ala zia na ndo so mbi leke ndali ni.

1 Mbai 15:16

Tongaso, David atene na amakonzi ti azo ti mara ti Lévi ti zia na yanga ti kua, a-ita ti ala so ayeke he bia si ala yeke pika mozoko na gbe ni; ala yeke pika kota kundi, kete kundi na wen. Lo tene nga na ala ti pika mozoko ni ngangu ti fa ngia ti be ti ala.

1 Mbai 15:28

Azo ti Israel kue ague na sanduku ti mbuki ti KOTA GBIA na Jérusalem; ala yeke dekongo na ngia si ala yeke huru adidi, atatalita, ala yeke pika awen so atoto, akota kundi na akete kundi.

1 Mbai 15:4

Lo bongbi *ahale ti Aaron nga na azo ti mara ti Lévi.

1 Mbai 16:42

Heman na Yedutun ayeke huru tatalita, ala yeke pika wen so atoto mingi na ambeni ye ti mozoko so ala yeke he na abia ti Nzapa. Kua ti amolenge ti Yedutun ayeke ti bata ayanga ti gbagba.

1 Mbai 16:5

Asaf ayeke makonzi ti ala, Zakarii ayeke mu maboko na lo; Yeiel, Shemiramot, Yehiel, Matitia, Eliab, Benaya, Obed-Edom nga na Yeiel ayeke pika ti ala kete kundi na kota kundi si Asaf ayeke pika ti lo wen.

1 Mbai 23:5

azo 4 000 tongana azo ti batango yanga ti da si azo 4 000 ti sepela KOTA GBIA na aye ti mozoko so lo leke ndali ni.

1 Mbai 26:31

Yeria ayeke nga daa; lo yeke makonzi ti azo ti kete mara ti Hebron. Na ngu baleosio ni so David ayeke gbia, a gi ti hinga molongo ti dungo ti azo ti kete mara ni so; nilaa na kodro ti Yazer, na sese ti Galaad, a wara akpengba turugu na popo ti ala.

2 Mbai 29:25

Gbia azia azo ti mara ti Lévi na ya ti kota da ti KOTA GBIA; awen so ayeke toto, akota kundi, na akundi ayeke na maboko ti ala. Lo sara ye ni alingbi na yanga so David, Gad, zo ti bango nda ti aye ti gbia, nga na Natan, wayanga-Nzapa amu. Andaa KOTA GBIA wani laa amu yanga so na lege ti awayanga ti lo.

2 Mbai 29:30

Na pekoni, gbia Ezekias na amakonzi atene na azo ti mara ti Lévi ti he bia ti sepela KOTA GBIA na lege ti abia so David na Asaf, zo ti bango nda ti aye aleke ando so. Azo ti mara ti Lévi asepela KOTA GBIA na ngia, na pekoni ala kuku, akpo li ti ala na sese.

2 Mbai 5:13

Azo ti hurungo tatalita na azo ti hengo bia abongbi tere ti ala kue ti sepela na ti gonda KOTA GBIA. Na ndembe so toto ti tatalita, ti ngo na ti aye ti mozoko alondo, ala yeke sepela KOTA GBIA, atene: “E mu singila na KOTA GBIA, ngbanga ti so lo yeke nzoni; nzoni be ti lo angba kpu na kpu!” Tongaso, mbinda asi singo na ya ti kota da ni, da ti KOTA GBIA.

2 Mbai 7:6

Awayango-sandaga aluti na ndo ti kua ti ala; azo ti mara ti Lévi aluti nga si ala yeke pika aye ti mozoko so David aleke ndali ti KOTA GBIA; ala yeke sepela KOTA GBIA, alingbi na bia so David azia na ala; ala tene: “Biani, nzoni be ti lo angba kpu na kpu!” Awayango-sandaga aluti na dawa ti ala si ala yeke huru atatalita; azo ti Israel kue aluti na nduzu.

Esdras 6:16

Azo ti Israel, awayango-sandaga, azo ti mara ti Lévi na tanga ti azo so a gbu ala, a gue na ala na kodro wande si ala kiri so, ala kue asara matanga ti ziango kota da ni na maboko ti Nzapa na ngia.

Néhémie 11:20

Tanga ti azo ti Israel, ala na awayango-sandaga na azo ti mara ti Lévi aduti na ya ti ambeni gbata ti Juda, zo oko oko na sese ti lo wani.

Néhémie 12:43

Na lango ni so, azo amu gba ti *sandaga na Nzapa, ala sara ngia mingi. Biani, Nzapa asara si be ti azo ti lo asi singo na kota ngia. Na Jérusalem, awali na amolenge asara nga ngia mingi si a ma ngia ni na mbeni ndo yongoro.

Néhémie 8:17

Azo so kue abongbi kâ, ala so alondo na kodro wande, na ndo so a gbu ala lani si a gue na ala daa si ala kiri so, ala sara akpangba si aduti na gbe ni. So ayeke ngoi so azo asara ngia mingi, ngbanga ti so, ti londo na ngoi ti Josué, molenge ti Nune, ngbii asi na lango so, azo ti Israel akiri asara matanga ti Akpangba pepe.

Abia (Psaumes) 149:3

Ayeke nzoni ala dodo ti sepela iri ti lo; ala pika ngo na kundi ti gonda lo.

Abia (Psaumes) 30:1

Bia ti David. A he ni ndali ti matanga ti ziango kota da ti Nzapa na maboko ti lo.

Ndia ti fani use ni 16:11

Ala yeke gue na ndo so KOTA GBIA Nzapa ti ala ayeke soro titene iri ti lo aduti daa. Kâ, ala yeke sara ngia, ala na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so aduti na ya ti gbata ti ala, azo ti Israel, na awande, anyindu nga na awali-mua so ayeke na popo ti ala.

Ndia ti fani use ni 20:5

Na pekoni, fade akapita so kua ti ala ayeke ti mungo azo na kua ti turugu ayeke tene na aturugu ni, atene: “Na popo ti ala, zo wa laa asara fini da si lo de ti lango na ya ni pepe? Ayeke nzoni lo kiri na yanga-da. Tongaso pepe, tongana lo kui na yanga ti bira, fade mbeni zo nde ayeke lango na ya ti da ti lo ni.

Filipe 4:4

Ala duti na ngia lakue, ngbanga ti so ala ga oko na *Kota Gbia awe! Mbi kiri mbi tene: ala duti na ngia!

Aye so Nzapa afa 5:8

So lo mu ni awe, aye osio so ayeke na fini na akangba baleuse na osio kue akuku na gbe ti lo. Ala kue ayeke na akundi nga na akopo ti lôro so yombo asi singo na ya ni; yombo ni ayeke sambela ti azo ti Nzapa.