Néhémie 11:30 - Mbeti ti Nzapa - Tënë so amu fini

³⁰ Zanoa, Adulam na akete kodro so ayeke na tere ni, Lakish na ayaka ni, Azeka na ando nde nde so ayeke na tere ni. Azo ni aduti na popo ti Bersheba, na mbage ti Mbongo, ngbii asi na popo-hoto ti Hinom, na mbage ti Banga.

Néhémie 11:30 ပူးပေါင်းရင်းမြစ်များ

Tongo nda ti aye 21:14

Na ndaperere so ndo angba kâ, Abraham alondo, lo mu mapa na bozo ti poro so ngu ayeke na ya ni, lo mu na Agar; lo zia ni na ndö ti go ti lo. Lo mu molenge ni na lo si lo tene na lo atene, lo gue. Agar ague si lo yeke tambula kirikiri na ya ti benyama ti Bersheba.

Tongo nda ti aye 25:16

So amolenge baleoko na use ti Ismael kue laa. Ala yeke amakonzi baleoko na use na ndö ti akete mara ti ala. Ala zia iri ti ala na ndö ti akete kodro ti ala na abâbâ ti ala.

2 Agbia 23:10

Yosias asara si Tofet so ayeke na popo-hoto ti Hinom aga *sioni, tongaso si azo akiri agbi amolenge ti ala ti koli na ti wali na wâ pepe ti mu na *sandaga na nzapa Molek.

Néhémie 11:29

En-Rimon, Sora, Yarmut,

Néhémie 11:31

Ambeni zo ti mara ti Benjamin aduti na Geba, Mikmas, Aya, Betel na ando nde nde so ayeke na tere ni,

Néhémie 3:13

Hanun na azo ti gbata ti Zanoa ayeke leke yanga ti gbagba so iri ni Ti-popo-hoto. So ala leke yanga ti gbagba ni awe, ala zia ale ni daa, na angbongboro wen ti kangango na ni nga na akerere ni. Ala kiri aleke gbagba so yongoro ni ayeke metere ngbangbo oku; ala gue na ni ngbii asi na yanga ti gbagba so iri ni Ti-puru.

Ésaïe 37:8

Makonzi ti aturugu ti Asirii ama a tene, gbia ti Asirii alondo na gbata ti Lakish, lo ga na gbata ti Libna si lo yeke tiri bira na azo ti gbata ni. Makonzi ni aga si lo wara gbia ni kâ.

Jérémie 19:2

Na pekoni, mo sigigi na yanga ti gbagba ti gbata so iri ni ti Fango-ta. Yanga ti gbagba ni ayeke baa ndo na mbage ti popo-hoto ti Hinom. Kâ, fade mo yeke to mbela na tënë so mbi yeke tene na mo.

Jérémie 19:6

“Ndani laa, mbeni lango ayeke ga so fade azo ayeke kiri ti di iri ti ndo so pepe, atene: ‘Tofet’ wala ‘Popo-hoto ti Hinom’, me fade azo ayeke tene: ‘Popo-hoto ti fango zo’; so tënë ti yanga ti KOTA GBIA laa.

Jérémie 32:35

Na popo-hoto ti Hinom, ala leke ndo na li ti ahoto ndali ti Baal. Kâ, ala yeke gbi amolenge ti ala ti koli na ti wali na wâ ti mu na sandaga na nzapa Molek. Mbi mu yanga na ala laoko pepe ti sara ye tongaso! Mara ti ye tongaso aga na li ti mbi laoko pepe. Na sarango mara ti sioni ye tongaso, so zo alingbi ti baa na le ti lo fani use pepe so, ala pusu azo ti Juda ti sara sioni.

Mishe 1:15

Ala azo ti Maresha, fade KOTA GBIA ayeke tokua mbeni zo ti gue ti mu kodro ti ala na ngangu. Fade amakonzi ti Israel, so azo ane ala mingi, ayeke gue ti honde tere ti ala kâ na ya ti kota du ti Adulam.

Josué 10:3

Adoni-Sedek, gbia ti Jérusalem, atokua ndo na Hoham, gbia ti Hebron na Piram, gbia ti Yarmut, na Yafia, gbia ti Lakish nga na Debir, gbia ti Eglon. Lo tene na ala:

Josué 12:15

Libna, Adulam,

Josué 15:39

Lakish, Boskat, Eglon,

Josué 15:8

Katikati ni akiri ahon na popo-hoto ti Hinom, na tere ti hoto ti mbage ti Mbongo ti azo ti mara ti Yebus, so ti tene Jérusalem. Na pekoni, katikati ni ague ngbii asi na li ti hoto so ayeke na Do ti popo-hoto ti Hinom, akiri ague ngbii asi na popo-hoto ti azo ti mara ti Refa, na mbage ti Banga.

Josué 18:16

Katikati ni alondo na ndo so, azu na tere ti hoto so ayeke baa le na popo-hoto ti Hinom, na Banga ti popo-hoto ti azo ti mara ti Refa. Katikati ni ahon na popo-hoto ti Hinom ni, na tere ti hoto ti azo ti mara ti Yebus si azu ague ngbii asi na En-Rogel.