Néhémie 10:39 - Mbeti ti Nzapa - Tënë so amu fini

³⁹ Mbeni wayango-sandaga oko ti *hale ti Aaron ayeke duti na tere ti azo ti mara ti Lévi na ndembe so ala yeke gue ti mu dime ni. Azo ti mara ti Lévi ayeke ga na dime ti adime ni na ya ti da ti mosoro ti kota da ti Nzapa.

Néhémie 10:39 ပူးပေါင်းရင်းမြစ်များ

2 Agbia 7:10

Ala kiri na ya ti gbata ni, ala iri asanziri ti yanga ti gbagba ni si ala tene na ala: “E gue, e li na ya ti bâbâ ti azo ti Sirii, me e baa zo oko pepe, e ma nga go ti zo oko pepe. Ye so e baa kâ ayeke gi ambarata na alele so a kanga ala kangango; azo ni ado ada ti bongo azia ahon.”

2 Mbai 31:11

Ezekias amu yanga titene ala leke akubu na ya ti kota da ti KOTA GBIA ti bata aye ni daa. Tongaso ala leke akubu ni.

2 Mbai 31:12

Aye so azo azi na ndö ti ye so ala wara, adime na aye so ala zia nde ndali ti Nzapa, ala ga na ni lakue na legeni na ya ti akubu ni. Konania, zo ti mara ti Lévi laa ayeke makonzi na ndö ti aye ni. Ita ti lo Shimei laa ayeke use makonzi ni.

Néhémie 12:47

Na ngoi ti Zorobabel na ti Néhémie, azo ti Israel kue ayeke mu aye na ya ti lango oko oko na azo ti hengo bia nga na azo ti batango yanga ti gbagba. Ala yeke mu nga aye so azia ni nde ndali ti azo ti mara ti Lévi si azo ti mara ti Lévi ayeke mu mbage ni na awayango-sandaga so ayeke amolenge ti Aaron.

Abia (Psaumes) 122:9

Ndali ti da ti KOTA GBIA, Nzapa ti e, mbi yeke gi lege ti nzoni duti ti mo.

Wungo ti azo 18:26

“Mo tene na azo ti mara ti Lévi: Tongana ala wara dime ti aye so azo ti Israel aga na ni, ayeke nzoni ala nga, ala zi dime ti dime ni ndali ti mbi KOTA GBIA.

Wungo ti azo 18:30

Mo kiri mo tene na ala: tongana ala zi nzoni mbage ni ndali ti mbi awe, ala bata tanga ni ndali ti ala tongana ti so azo ti Israel ayeke bata ka atanga ti ale ti *ble wala ti vin so.

Ndia ti fani use ni 12:17

Na ya ti agbata ti ala, fade ala yeke te pepe *dime ti *ble ti ala, dime ti fini vin ti ala, dime ti mafuta ti ala so ala yeke mu na Nzapa, ataa dime ti akozo molenge ti abagara ti ala, ti ataba na ti angasa ti ala, ataa ti aye so ala mu na nzoni be na ti aye so ala deba yanga ti ala ti mungo ni wala ti amatabisi ti ala.

Ahebro 10:25

E do abongbi ti e, e zia pepe tongana ti so ambeni zo asara; me e mu wango na popo ti e ahon ti kozoni, ngbanga ti so ala baa so, lango ti Christ aga nduru awe.