Néhémie 10:38 - Mbeti ti Nzapa - Tënë so amu fini

³⁸ Fade e yeke mu nga na awayango-sandaga ni mbeni mbage ti nzoni farini ti e, nga na asandaga nde nde ti ale ti keke ti e, ti fini vin na ti mafuta. E yeke gue na aye ni so na ya ti ada so ayeke na ya ti gbagba ti kota da ti Nzapa. E yeke mu na azo ti mara ti Lévi *dime ti ale ti kobe ti yaka ti e. Azo ti mara ti Lévi ayeke gue ala wani ti mu adime ni na ya ti agbata so kue e yeke sara kua daa.

Néhémie 10:38 ပူးပေါင်းရင်းမြစ်များ

1 Mbai 9:26

Me ambeni makonzi osio ti azo ti batango ayanga ti gbagba ni angba ti ala lakue na ndo ti kua ni. Kua ti azo ti mara ti Lévi ayeke ti baa ndo na ndö ti akubu nga na ndö ti amosoro ti kota da ti Nzapa.

Néhémie 13:31

Mbi yeke kiri ti fa lege so azo ayeke ga na asandaga ti keke na ngoi so a diko; ala yeke ga nga na akozo le ti kobe. “Nzapa ti mbi, mo dabe ti mo na mbi, mo sara nzoni be na mbi.”

Awayango-sandaga 27:30

“Aye so kue zo amu na *dime: ale ti kobe ti yaka, wala ale ti keke ayeke ti KOTA GBIA: ayeke ye so ayeke nde si ayeke nzoni kue ndali ti KOTA GBIA.

Wungo ti azo 15:19

na ndembe so ala yeke te akobe ti kodro ni, ayeke nzoni ala mu mbeni mbage ni na mbi.

Wungo ti azo 15:21

Fade ala yeke mu na mbi KOTA GBIA, akozo mapa so ala yeke zö ni. Ndia so ayeke nga ndali ti ala na *ahale ti ala so ayeke ga ande na peko.”

Wungo ti azo 18:21

*KOTA GBIA akiri atene: “Mbi yeke mu na azo ti mara ti Lévi *dime ti aye so kue azo ti Israel ayeke wara. So ayeke futa ti ala ndali ti akua ti da ti bongo so mbi, KOTA GBIA na azo ti mbi, e yeke wara tere daa.

Wungo ti azo 18:24

Me, adime so kue azo ti Israel ayeke ga na ni na mbi, mbi yeke mu ni na ala, azo ti mara ti Lévi titene aga ye ti ala. Ndani laa mbi tene na ala, mbi tene, tanga ti amara ti Israel kue ayeke wara ande sese ti ala, me azo ti mara ti Lévi pepe.”

Ndia ti fani use ni 14:22

Moïse atene: Na ya ti ngu oko oko, alingbi ala azo ti Israel, ala zi *dime ti ale ti kobe kue ti yaka ti ala, ala zia ni nde.