Néhémie 10:36 - Mbeti ti Nzapa - Tënë so amu fini

³⁶ Na ngu oko oko nga, e yeke ga na akozo le ti kobe ti yaka ti e nga na akozo le ti keke ti e na ya ti kota da ti Nzapa.

Néhémie 10:36 ပူးပေါင်းရင်းမြစ်များ

2 Mbai 31:5

Gi so azo ti Israel ama yanga so gbia amu so, ala ga na gba ti akozo le ti kobe ti ala: *ble, fini vin, mafuta, mafuta ti wotoro nga na akobe nde nde ti ayaka ti ala. Ala ga nga na gba ti *dime ti aye kue.

Néhémie 12:44

Na lango ni so, a soro ambeni zo titene ala baa ndo na ndö ti ada ti batango akozo le ti keke, akozo le ti kobe nga na *adime ti akobe ti yaka. Kua ti azo ni ayeke ti bata na ya ti ada ni so ale ti kobe so *Ndia ahunda na azo titene ala ga na ni na awayango-sandaga nga na azo ti mara ti Lévi. Ale ti kobe ni alondo na ya ti ayaka so azo afâ si angoro agbata. Biani, be ti azo ti Juda anzere mingi na kua so awayango-sandaga na azo ti mara ti Lévi ayeke sara.

Néhémie 13:5

Eliashib amu na Tobia mbeni kota kubu so a yeke bata na ya ni *asandaga ti ale ti kobe, dukani na agbakuru nde nde ti kota da ti Nzapa, na asandaga so a yeke mu na awayango-sandaga, *adime ti ble, ti fini vin na ti mafuta; adime ti aye so a bata ndali ti azo ti mara ti Lévi, azo ti hengo bia na azo ti batango yanga ti gbagba.

Sigingo 13:2

“Akozo molenge-koli so kue ayeke na Israel, ala so azi lege ti dungo ni na mama ti ala, mo zia ala nde ndali ti mbi. Biani, akozo molenge-koli ti zo na akozo molenge-koli ti nyama ayeke ti mbi.”

Sigingo 23:19

Fade ala yeke ga na akozo le ti kobe ti yaka ti ala na ya ti da ti mbi KOTA GBIA, Nzapa ti ala. Alingbi ala to molenge ti ngasa na ya ti ngu ti me ti mama ti lo pepe.”

Sigingo 34:19

“Amolenge so kue azi lege ti dungo ni na mama ti ala ayeke ti mbi. Ataa akozo molenge-koli ti nyama, ataa akozo molenge-koli ti taba wala ti ngasa, fade ala yeke mu ala na mbi.

Malashii 3:10

Adime ti aye so ala wara, ala ga na ni kue na ya ti kubu ti batango mosoro ti da ti mbi titene kobe aduti lakue na ya ti da ti mbi. Ala sara tongaso ti tara mbi, ala baa tongana mbi zi fenetere ti yayu ti tuku anzoni ye ti mbi gbani gbani na ndö ti ala pepe si. Tënë so KOTA GBIA so ayeke na ndö ti dunia kue atene laa.

Wungo ti azo 3:13

Na ndembe so lani mbi sara si akozo molenge-koli ti azo ti Ezipte akui, na ndembe so laa mbi mu akozo molenge-koli ti azo ti Israel ti zia ala nde ndali ti mbi; ataa akozo molenge-koli ti zo wala ti nyama, ala yeke ti mbi. Mbi laa mbi yeke KOTA GBIA.”

Galasii 6:6

Zo so mba ti lo ayeke fa na lo nda ti tënë ti Nzapa, alingbi lo mu mbage ti aye ti lo na zo so ayeke fa ye na lo.

Ndia ti fani use ni 12:6

Kâ laa ala yeke gue na *asandaga ti ala so a yeke gbi ni kue na wâ, asandaga ti ala ti beoko, *adime ti ala, amatabisi ti ala, aye so ala deba yanga ti ala ti mungo ni, aye so ala mu na nzoni be nga na akozo molenge ti abagara, ti ataba na ti angasa ti ala.