Néhémie 10:34 - Mbeti ti Nzapa - Tënë so amu fini

³⁴ Fade a yeke mu nginza so ti vo na mapa so a leke si a yeke zia na dawa ti Nzapa, *sandaga ti farini so a yeke mu na ya ti lango oko oko, sandaga so a yeke gbi ni kue na wâ na ya ti lango oko oko, sandaga so a yeke mu na lango ti wungo tere, sandaga so a yeke mu ni na lango ti fini nze wala na ambeni lango ti matanga, ambeni sandaga so a zia ni nde ndali ti Nzapa nga na sandaga so azo ti Israel ayeke mu titene Nzapa azi siokpari na li ti ala. A yeke mu nga nginza ni ti sara na akua kue ti kota da ti Nzapa ti e.

Néhémie 10:34 ပူးပေါင်းရင်းမြစ်များ

1 Mbai 24:5

A bi mbeni ye ti kangbi kua na ala, ngbanga ti so na popo ti ahale ti Elazar na ti Itamar, ambeni ayeke “amakonzi ti ndo so ayeke nde si ayeke nzoni kue” si ambeni ayeke “amakonzi ti Nzapa”.

1 Mbai 24:7

So ayeke iri ti amakonzi ti abongbi so a bi mbeni ye ti soro na ala laa: 1. Yoyarib 13. Hupa 2. Yedaya 14. Yeshebab 3. Harim 15. Bilga 4. Seorim 16. Imer 5. Malkia 17. Hezir 6. Miamin 18. Hapises 7. Hakos 19. Petahia 8. Abia 20. Ezekiel 9. Yeshua 21. Yakin 10. Shekania 22. Gamul 11. Eliashib 23. Delaya 12. Yakim 24. Maazia

2 Mbai 2:3

Mbi ye ti sara da ndali ti KOTA GBIA, Nzapa ti mbi, ti zia ni nde ndali ti lo. Na ya ti da ni, fade a yeke zö na dawa ti lo dukani so fion ni afun nzoni, a yeke leke mapa si a yeke zia na dawa ti lo lakue lakue, a yeke mu na lo *asandaga so a yeke gbi ni kue na wâ, na ndaperere nga na lakui, a yeke mu nga na lo asandaga ti *lango ti wungo tere, ti alango ti fini nze na ti alango ti amatanga ti KOTA GBIA Nzapa ti e; ye so a diko ndali ti azo ti Israel kpu na kpu laa.

Esdras 3:5

Na pekoni, ala ya lakue asandaga so a yeke gbi ni kue na wâ, asandaga ti fini nze, asandaga ndali ti alango ti amatanga so a zia ni nde ndali ti KOTA GBIA nga na asandaga so azo ayeke mu na be ti ala wani na KOTA GBIA.

Néhémie 11:1

Amakonzi ti azo ni aga aduti na Jérusalem. Ti tanga ti azo ni, a bi mbeni ye ti baa zo wa laa na popo ti azo baleoko so alingbi ti duti na Jérusalem, gbata so ayeke nde si ayeke nzoni kue. Atanga ni gumbaya ayeke ngba ti ala na ya ti agbata nde nde ti kodro ni.

Néhémie 13:31

Mbi yeke kiri ti fa lege so azo ayeke ga na asandaga ti keke na ngoi so a diko; ala yeke ga nga na akozo le ti kobe. “Nzapa ti mbi, mo dabe ti mo na mbi, mo sara nzoni be na mbi.”

Amato 18:18

Azo ayeke bi ka *dee ti kai na papa; ala yeke bi nga ni ti fâ ngbanga na popo ti angangu zo.

Ésaïe 40:16

Anyama kue ti Liban alingbi pepe titene a mu na *sandaga so a yeke gbi ni kue na wâ. Akeke ni alingbi nga pepe titene a sara na wâ ti gbi na sandaga ni.

Awayango-sandaga 24:5

“Mo mu nzoni farini, mo zö na gatoo baleoko na use; gatoo oko kilo omene, gatoo oko kilo omene.

Awayango-sandaga 24:6

Fade mo yeke zia agatoo ni na ndö ti tere, na ndö ti tere, gba ni use na dawa ti mbi, na ndö ti meza so a sara na lôro ti nzoni ni.

Wungo ti azo 28:2

“Mu yanga so na azo ti Israel, mo tene: Ala sara hange ti mu na mbi *asandaga so ayeke ti mbi alingbi na ngoi ni; so ti tene asandaga ti kobe so ala yeke gbi ni kue na wâ si fion ni anzere na mbi.

Awatokua 1:26

Na pekoni, ala bi ye ti hinga zo wa laa a soro lo. Ye ni afa Matthias si a zia lo na tere ti awatokua baleoko na oko.

Josué 9:27

Gi na lango ni so, Josué azia azo ti Gabaon titene ala ga azo ti surungo akeke na ti tongo ngu ndali ti bongbi ti azo ti Israel nga ndali ti gbalaka ti KOTA GBIA. Ala yeke sara kua ni na ndo so fade KOTA GBIA ayeke soro ni. Ala ngba ti sara kua ni ngbii asi laso.