Néhémie 10:32 - Mbeti ti Nzapa - Tënë so amu fini

³² Na *lango ti wungo tere, wala na mbeni lango ti matanga, tongana azo so aga na *ble, wala na akungba nde ti kango ni, fade e yeke vo ni na maboko ti ala pepe. Lakue na peko ti ngu mbarambara, fade e yeke zia sese awu tere, e yeke zi ayongo kue na li ti azo.

Néhémie 10:32 ပူးပေါင်းရင်းမြစ်များ

Tongo nda ti aye 28:22

Têne so mbi leke ni aluti na nduzu so, fade ayeke ga da ti Nzapa. Aye so kue lo yeke mu ande na mbi, fade mbi yeke mu na lo *dime ni.”

1 Mbai 26:27

Mbage ti aye so azo ni so agbu na peko ti bira, ala zia ni nde ndali ti lekengo na kota da ti KOTA GBIA.

Néhémie 13:15

Na ngoi ni so, mbi baa so na sese ti Juda, ambeni zo ayeke pete ale ti *vinye na ya ti du so a leke ti pete ale ti vinye daa; ala yeke pete ale ti vinye ni na *lango ti wungo tere. Ambeni akanga gba ti ale ti kobe na ndö ti alele, vin, ale ti vinye, fige na ambeni ye nde nde si ala yeke gue na ni na Jérusalem na lango ti wungo tere. Mbi gboto mê ti ala na lango so ala yeke ka akungba ti ala ni.

Néhémie 13:18

Akotara ti ala asara ando gi tongaso. Ndani laa Nzapa ti e asara si akpale so kue aga na ndö ti e nga na gbata ti e. Ti ala, na sarango titene lango ti wungo tere aga sioni, ala yeke sara titene ngonzo ti Nzapa akiri alondo ngangu na tere ti azo ti Israel”.

Néhémie 13:21

Mbi gboto mê ti ala, mbi tene: “Ngbanga ti nyen si ala lango na dawa ti gbagba ti Jérusalem? Tongana ala kiri asara ni, fade mbi yeke gbu ala!” Ti londo na ngoi ni so, ala kiri aga na ndo so na lango ti wungo tere pepe.

Néhémie 5:10

Mbi nga, mbi na a-ita ti mbi, na azo ti mbi, e sara lani boon ti nginza na ti ble na azo ni. Fade e yeke zi yongo ni na li ti ala.

Néhémie 9:14

Mo sara si ala hinga *lango ti wungo tere, lango so a zia ni nde ndali ti mo. Na lege ti Moïse, zo ti kua ti mo, mo mu na ala atënë ti ndia, atënë ti yanga ti mo nga na andia.

Sigingo 23:11

Me na ngu mbarambara ni, fade ala yeke zia yaka ni awu tere, ala de ni pepe. Tongaso si azo ti mawa so ayeke na popo ti ala alingbi ti wara mbeni ye ti te. Tanga ni so angba, fade anyama ti ngonda ayeke te ni. Fade ala yeke sara gi mara ti ye so na yaka ti *vinye ti ala nga na yaka ti olive ti ala.

Amato 3:9

Mo ne KOTA GBIA na mungo na lo aye ti mo; mo mu na lo akozo le ti kobe ti mo.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.