Néhémie 10:31 - Mbeti ti Nzapa - Tënë so amu fini

³¹ Tongaso, e mu zendo e tene, fade e yeke mu amolenge ti e ti wali na azo ti kodro ni pepe ti ga awali ti ala. E yeke soro amolenge-wali ti azo ti kodro ni pepe ti mu na amolenge ti e ti koli.

Néhémie 10:31 ပူးပေါင်းရင်းမြစ်များ

2 Mbai 36:21

Tongaso tënë so KOTA GBIA atene na lege ti wayanga ti lo Jérémie aga taa-tënë: “Fade azo ayeke ngba na ya ti kodro ni pepe na ya ti ngu balembarambara ngbii ngoi ti wungo tere ti kodro ni alingbi. Ye ni ayeke mu plase ti ngoi ti wungo tere so lani ala sara ye alingbi na ni pepe so.”

Néhémie 13:23

Na ngoi ni so nga, mbi baa so ambeni zuife amu awali ti mara ti Asdod, ti Amon na ti Moab ti ga wali ti ala.

Néhémie 13:27

Titene ala sara kota sioni tongaso ti ke KOTA GBIA na mungo awali wande ti ga wali ti ala so, e ye ti ma so mbeni pepe!”

Sigingo 12:16

Na kozo lango ni nga na mbarambara lango ni, ala yeke bongbi azo ti voro Nzapa. Na ya ti alango so, ala yeke sara mbeni kua oko pepe. Gi kobe laa ala lingbi ti to ndali ti zo oko oko.

Sigingo 20:10

Me lango mbarambara ni ayeke lango ti wungo tere ndali ti mbi KOTA GBIA, Nzapa ti mo. Na lango ni so, alingbi mo sara kua oko pepe; ataa mo, ataa molenge ti mo ti koli, ataa molenge ti mo ti wali, ataa zo ti kua ti mo ti koli, ataa zo ti kua ti mo ti wali, ataa anyama ti mo, ataa wande so ayeke lango na kodro ti mo.

Sigingo 34:16

Tongana ala mu awali ti kodro ni ti ga awali ti amolenge ti ala, fade awali ni ayeke kpe na peko ti anzapa ti ala si ala yeke handa amolenge ti ala, azo ti Israel ti kpe nga na peko ti anzapa ti awali ni.

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Awayango-sandaga 16:29

“So ayeke mbeni ndia so ayeke ngba kpu na kpu ndali ti ala: na lango baleoko ti nze mbarambara ni, fade ala yeke ke kobe ti sambela, ala yeke sara kua oko pepe, ataa ala azo ti Israel, ataa awande so aduti na popo ti ala.

Awayango-sandaga 23:21

Gi na oko lango ni so, ala yeke iri azo ti kodro titene ala bongbi ti voro mbi. Kua so ala yeke sara lakue, ala sara ni pepe. So ayeke mbeni ndia so ayeke ngba ngu na ngu ndali ti ala na *ahale ti ala na ndo so kue ala yeke duti daa.

Awayango-sandaga 23:3

“Na ya ti yenga oko, ala yeke sara kua na ya ti lango omene; me lango mbarambara ni ayeke *lango ti wungo tere; na lango ni so, ala yeke sara kua oko pepe, lango so ala yeke bongbi ti voro mbi. So ayeke lango ti wungo tere: na ndo so kue ala yeke duti daa, ala bata lango ni so ndali ti mbi KOTA GBIA.

Matthieu 6:12

Zi sioni ti e na li ti e tongana ti so e nga, e yeke zi sioni na li ti azo so asara sioni na e.

Kolose 2:16

Tongaso, alingbi mbeni zo afâ ngbanga na li ti ala pepe ndali ti tënë ti kobe, wala ye ti nyongo ni, wala ndali ti alango ti Nzapa, wala amatanga ti fini nze wala *alango ti wungo tere.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.