Néhémie 10:30 - Mbeti ti Nzapa - Tënë so amu fini

³⁰ ala kue abongbi na a-ita ti ala, akota zo. Ala mu zendo si ala deba yanga ti ala ti sara ye na lege ti Ndia ti *KOTA GBIA so lo mu na e na lege ti Moïse, zo ti kua ti lo. E deba yanga ti e ti bata na ti sara ye alingbi na atënë ti ndia kue, andia nga na atënë ti yanga ti KOTA GBIA Nzapa ti e.

Néhémie 10:30 ပူးပေါင်းရင်းမြစ်များ

2 Agbia 23:25

Kozoni na Yosias, mbeni gbia tongana lo ayeke daa pepe so amu be ti lo kue, tere ti lo kue na ngangu ti lo kue ti kiri na mbage ti KOTA GBIA alingbi na Ndia ti Moïse. Na peko ti Yosias, mbeni gbia so aduti tongana lo ayeke daa pepe.

2 Agbia 23:3

Gbia aluti na ndö ti mbeni ye so a leke na nduzu ndali ti agbia si lo kiri lo leke tënë ti ga mbuki na KOTA GBIA. Alingbi fade zo oko oko amu zendo ti tambula na peko ti KOTA GBIA, ti sara ye na be ti lo kue nga na tënë ti be ti lo kue alingbi na atënë ti ndia ti KOTA GBIA, ambela ti lo na aye so lo fa. Alingbi fade zo oko oko asara ye alingbi na atënë ti mbuki so a su na ya ti mbeti so. Nilaa azo kue ayeda na tënë ti mbuki ni.

2 Mbai 34:31

Gbia aluti na nduzu na ndo so lo yeke daa si lo kiri lo sara mbuki na KOTA GBIA. Alingbi fade zo oko oko amu zendo ti tambula na peko ti KOTA GBIA, ti sara ye na be ti lo kue nga na tënë ti be ti lo kue alingbi na atënë ti ndia ti KOTA GBIA, na ambela ti lo na aye so lo fa. Alingbi fade zo oko oko asara ye alingbi na atënë ti mbuki so a su na ya ti mbeti so.

Néhémie 10:1

Ndali ti aye so kue asi na e, e azo ti Israel, e bongbi yanga ti e oko, e ma tere; e su tënë ni na mbeti. Amakonzi ti e, azo ti e so ayeke azo ti mara ti Lévi, awayango-sandaga ti e asu maboko ti ala na gbe ti mbeti so a kpo nzoroko daa so.

Néhémie 13:23

Na ngoi ni so nga, mbi baa so ambeni zuife amu awali ti mara ti Asdod, ti Amon na ti Moab ti ga wali ti ala.

Néhémie 13:25

Mbi suku na azuife ni si mbi deba ala. Mbi pika ambeni zo na popo ti ala si mbi gboto kua ti li ti ala. Na pekoni, mbi tene na ala ti deba yanga ti ala na iri ti Nzapa ti kiri ti mu amolenge ti ala ti wali pepe na awande. Ala nga, alingbi ala mu awali wande pepe ti ga wali ti ala wani wala ti amolenge ti ala ti koli.

Néhémie 13:30

Fade mbi yeke zi azo ni na ya ti asioni ye ti awande kue. Mbi yeke kiri ti fa lege ti kua ti awayango-sandaga na ti azo ti mara ti Lévi.

Néhémie 5:12

Azo ni akiri tënë: “Fade e yeke sara ye so mo hunda na e so. Aye so lani e mu na maboko ti azo ni so, fade e yeke kiri ni na ala; e yeke kiri ti hunda ye na maboko ti ala pepe.” Tongaso mbi iri awayango-sandaga; na le ti ala, mbi hunda na azo so boon ti amba ti ala angba na li ti ala titene ala deba yanga ti ala ti sara ye alingbi na zendo so ala mu.

Abia (Psaumes) 119:106

Mbi deba yanga ti mbi awe si mbi luti na ndö ni, mbi tene: mbi yeke sara ye alingbi na atënë ti fango ngbanga ti mo ti mbirimbiri.

Sigingo 34:16

Tongana ala mu awali ti kodro ni ti ga awali ti amolenge ti ala, fade awali ni ayeke kpe na peko ti anzapa ti ala si ala yeke handa amolenge ti ala, azo ti Israel ti kpe nga na peko ti anzapa ti awali ni.

Ndia ti fani use ni 29:11

Fadeso KOTA GBIA Nzapa ti ala asara *mbuki na ala; alingbi ala yeda biani na tënë ti mbuki so lo deba yanga ti lo daa so.

Ndia ti fani use ni 7:3

ala sara kogara na azo ti amara ni pepe, ala mu amolenge ti ala ti wali pepe ti ga awali ti amolenge ti ala ti koli; ala soro na popo ti amara ni pepe awali ti mu na amolenge ti ala ti koli.