Nahum 3:7 - Mbeti ti Nzapa - Tënë so amu fini

⁷ Azo so kue ayeke baa mo ayeke kpe si ala yeke dekongo, atene: “Ninive ati awe! Zo wa laa ayeke baa mawa ti lo, zo wa? Zo wa laa ayeke sara si be ti lo ade, zo wa?”

Nahum 3:7 ပူးပေါင်းရင်းမြစ်များ

Ésaïe 51:19

Aye ti mawa use so asi na mo awe: aye ti mo kue abuba si kpale ati na ndö ti mo; kota nzara na bira afâ azo ti mo. Zo wa laa ayeke dema mo, zo wa? Zo wa laa ayeke de be ti mo, zo wa?

Jérémie 15:5

*KOTA GBIA atene: “Mo Jérusalem, zo wa laa ayeke baa mawa ti mo, zo wa? Zo wa laa ayeke toto mawa ti mo, zo wa? Zo wa laa ayeke do tere ti lo ti hunda tënë ti mo, zo wa?

Jérémie 50:18

Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: “Mbi yeke ga na tere ti gbia ti Babilone, lo na kodro ti lo tongana ti so mbi ga lani na tere ti gbia ti Asirii.”

Jérémie 51:9

– “E ye ti kai kobela na tere ti Babilone, me tere ti lo aga nzoni pepe. Ayeke nzoni e zia lo, zo oko oko akiri na kodro ti lo. Biani, ngbanga so ati na ndö ti lo ayeke ngangu mingi; ague ngbii asi na le ti nduzu, ague ngbii asi na ambinda.

Abia ti demango tere 2:13

Azo ti gbata ti Jérusalem, mbi yeke haka ala na azo wa so-oo? Tënë ti nyen si mbi yeke tene na ala ti de be ti ala na ni so-oo! Mawa na ala mingi, azo ti gbata ti Sion! Dutingo ti ala alingbi na ti azo wa so-oo? Akpale ti ala akono ahon ndoni; akono tongana kota ngu-ingo. Zo wa si ayeke ga ande ti kai akpale ni na tere ti ala so-oo?

Nahum 1:1

So ayeke nengo tënë ti wayanga-Nzapa na ndö ti kodro ti Ninive. So ayeke buku ti aye so asi na le ti Nahum, zo ti kodro ti Elkosh si lo baa ni na ya ti mbeni ye tongana bango-li.

Sofonii 2:13

Fade *Kota Gbia ayeke yoro maboko ti lo ti tiri bira na azo ti Banga; lo yeke buba kodro ti Asirii, lo yeke sara si gbata ti Ninive aga ngonda so ahole kasakasa.

Wungo ti azo 16:34

Azo ti Israel so kue ayeke lango nduru na ala ama dekongo ti azo ni si ala tene: “E kpe si sese amene e pepe!”

Aye so Nzapa afa 18:10

Mbeto ti pasi so lo yeke baa ayeke sara ala; ala yeke luti yongoro si ala yeke tene: “Mawa-ee! So mawa! Kota gbata-ee, Babilone-ee! Ngangu gbata! Gi na ya ti ngbonga oko, a fâ ngbanga na li ti mo awe!”