Nahum 3:5 - Mbeti ti Nzapa - Tënë so amu fini

⁵ Baa, mbi yeke ga na tere ti mo, so tënë ti yanga ti *KOTA GBIA so ayeke na ndö ti dunia kue laa: Mbi yeke yo bongo so ayeke na tere ti mo so na nduzu ngbii ti bi na li ti mo; mbi yeke sara titene amara nde abaa tere ti mo ti wali si ala baa kamene so ayeke na le ti mo.

Nahum 3:5 ပူးပေါင်းရင်းမြစ်များ

Jérémie 13:22

Fade mo yeke hunda tere ti mo, mo tene: ‘Ye so asi na mbi tongaso ngbanga ti nyen?’ Biani, tongana a yo yanga ti bongo ti mo na nduzu, tongana a sara ngangu na mo, ayeke ndali ti so mo sara sioni ahon ndoni.

Jérémie 13:26

Mbi nga, mbi yeke yo yanga ti bongo ti mo na nduzu, ngbii asi na le ti mo si azo ayeke baa tere ti mo so angba ndumbu so.

Jérémie 50:31

“Mo Babilone, zo ti baba, mbi na mo, e yeke baa ya ni; so tënë ti yanga ti Kota Gbia NZAPA so ayeke na ndö ti dunia kue laa. Ti mo, lango ni alingbi awe, ndembe so mbi yeke ga na tere ti mo.

Ezekiel 16:37

Ndani laa, mbi yeke bongbi andeko so kue mo nzere na le ti ala so, ala so kue mo ye ala nga na ala so kue be ti mo ake ala. Mbi yeke bongbi ala na ndo kue ti ga na tere ti mo; mbi yeke zi bongo kue na tere ti mo na le ti ala titene ala baa tere ti mo so kue angba senge so.

Ezekiel 21:3

Fade mo yeke tene na azo ti gbako ni, mo tene: Ala ma tënë ti KOTA GBIA! Tënë so mbi, Kota Gbia NZAPA, mbi tene ayeke so: Mbi yeke bi wâ na ya ti gbako ni si ayeke gbi afini keke na aholengo keke kue. Menga-wâ so ayeke za lawu lawu so ayeke mingo pepe; ti londo na Mbongo ngbii asi na Banga, wâ ni ayeke zö le ti azo kue.

Ezekiel 23:25

Mo Oholiba, fade mbi yeke sara mbanda na tere ti mo; azo ni ayeke sara ye na mo na lege ti sioni ngonzo; ala yeke fâ hon ti mo na mê ti mo. Tanga ti azo ti mo so angba na fini, ala yeke kui kuâ ti yongoro zeme. Azo ni ayeke mu amolenge ti mo ti koli na ti wali; aye ti mo so angba so, fade a yeke gbi ni kue na wâ.

Ezekiel 23:29

Ala yeke sara sioni mingi na mo, ala yeke nzi amosoro so mo sara kua si mo wara so. Ala yeke zi bongo na tere ti mo si ala yeke zia mo ndumbu. Tere ti mo so mo yeke sara na ye ti ndumba so, ayeke ngba na gigi. Sarango ye ti potopoto ti mo na sarango ye ti ndumba ti mo laa asara si

Ezekiel 26:3

Ndali ti tënë so, tënë so mbi Kota Gbia NZAPA, mbi tene ayeke so: Mo Tir, mbi yeke ga na tere ti mo! Mbi yeke pusu gba ti amara nde ti tiri bira na mo; ala yeke tuku na ndö ti mo tongana ti so kota ngu-ingo ayeke sara si *amapo alondo.

Mishe 1:11

Ala azo ti gbata ti Shafir, azo ayeke gbu ala ti gue na ala na kodro wande, na kamene na le ti ala, tere ti ala senge. Azo ti gbata ti Saanan ayeke kiri ti sigigi pepe. Azo ti gbata ti Bet-Esel ayeke dema tere ti ala, gbata ni alingbi ti mu maboko na ala pepe.

Nahum 2:13

Bamara ni ayeke fâ nyama, lo yeke suru ya ti nyama ni, lo zia na wali ti lo nga na amolenge ti lo. Lo yeke sara si ya ti du ti lo asi singo na anyama; du ti lo so lo yeke lango daa so asi singo na anyama so lo suru ya ti ala kete kete.

Habakuk 2:16

Ti mo, mo baa fade mo tene, azo ayeke gonda mo mingi, me gba ti kamene laa ayeke hon ndö ti mo. Ngoi titene mo nyon ti mo samba ni laa; ngoi titene mo fa *pito ti mo na le ti azo laa! Fade KOTA GBIA ayeke sara titene mo nyon kopo ti ngonzo so ayeke na maboko ti lo ti koli. Fade gonda ti mo ayeke ga ye ti kamene!