Nahum 3:3 - Mbeti ti Nzapa - Tënë so amu fini

³ Azo ti mbarata akpe loro, ala gue na bira, le ti ayongoro zeme aza tongana wâ; alikongo aza zango. Azo akui gbani gbani, akuâ na ndö ti tere, na ndö ti tere, zo alingbi ti diko ni pepe; azo ayeke pika gere ti ala na akuâ ni.

Nahum 3:3 ပူးပေါင်းရင်းမြစ်များ

Tongo nda ti aye 3:24

So KOTA GBIA Nzapa atumba zo na ya ti yaka ni awe, lo zia *asheruben na mbage ti To ti yaka ni. Asheruben ni ayeke na yongoro zeme so le ni ayeke za zango si ayeke turne mbage na mbage ti kanga lege na zo ti gue na tere ti keke so ayeke mu fini na zo.

2 Agbia 19:35

Gi na bi ni, *ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 34:3

A bi kuâ ti ala kirikiri, kuâ ti ala ayeke fun sioni sioni, mene ti ala ayeke sua na ndö ti ahoto tongana ngu so ayeke sua.

Ésaïe 37:36

*Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 66:16

KOTA GBIA ayeke ga ti fâ ngbanga ti azo na lege ti wâ nga na lege ti yongoro zeme. Azo mingi ayeke kui.

Ezekiel 39:4

Mo na aturugu ti mo kue nga na gba ti azo so ayeke na tere ti mo, ala yeke kui na ndö ti ahoto ti Israel. Mbi yeke mu kuâ ti mo na *angoalo na andeke kue ti nduzu nga na anyama ti ngonda titene ala te.

Awayango-sandaga 26:37

Ala yeke ti na sese na ndö ti tere tongana ti so zo ayeke kpe na dawa ti wato, ataa so zo oko ayeke tumba peko ti ala pepe. Ala lingbi ti gbu le ni na awato ti ala pepe.

Nahum 2:4

Angangu turugu ti awato ti Ninive ayeke na *avala so tere ni ayeke bengba si ala yu abengba bongo. Na ndembe so ala leke tere ti ala ti tiri bira, apusu ti mbarata ti ala aza tongana wâ, ala yoro alikongo ti ala na nduzu.

Habakuk 3:11

Na dawa ti zango ti ale ti kokora ti mo nga na dawa ti zango le ti alikongo ti mo so ayeke hon hongo, lâ na nze aluti kpoo.