Nahum 3:2 - Mbeti ti Nzapa - Tënë so amu fini

² Kâ, gi toto ti fimbo, fia, fia, fia! Toto ti apusu ti mbarata, gada, gada, gada! Gere ti ambarata, kpakata, kpakata, kpakata! Apusu ti bira akpe fiuuu!

Nahum 3:2 ပူးပေါင်းရင်းမြစ်များ

Ésaïe 9:5

Biani, a du na e molenge awe, a mu na e molenge-koli awe. Nzapa azia komandema na maboko ti lo. Fade a yeke di iri ti lo: Zo ti kpene, Wamungo-wango, Nzapa ti ngangu, Babâ ti lakue lakue, Makonzi ti siriri.

Jérémie 47:3

Ala ma toto ti gere ti ambarata so ado sese ngangu; ala ma toto ti apusu ti mbarata na toto ti gere ti apusu ni. Tongaso be ti ababâ awoko kue, be ti ala agirisa na amolenge ti ala,

Joël 2:4

Ala kpa ambarata; ala yeke kpe loro tongana ambarata ti bira.

Joël 2:5

Ala yeke huru na ndö ti ahoto si toto ti hurungo ti ala ni ayeke tongana toto ti apusu ti mbarata; tongana toto ti menga ti wâ so ayeke gbi holengo pere. Ala yeke londo ti ga tongana angangu turugu so aleke tere ti ala na molongo ti tiri bira.

Awafango-ngbanga 5:22

Tongaso, asokoto ti ambarata apika sese, ala yeke kpe loro kpakata, kpakata, kpakata!