Nahum 3:19 - Mbeti ti Nzapa - Tënë so amu fini

¹⁹ Mbeni yoro ndali ti kpale ti mo ayeke daa pepe, aka ti mo ni ayeke mu ande pepe. Azo so kue ama tënë ti ye ti sioni so asi na mo, ala yeke pika maboko ti ala na ngia. Zo wa si mo sara sioni na lo na ndoni na ndoni pepe, zo wa?

Nahum 3:19 ပူးပေါင်းရင်းမြစ်များ

Mbeti ti Job 27:23

Azo ayeke pika maboko na tingo ti lo; na ndo so lo yeke lani daa, azo ayeke huru yanga ti ala.

Ésaïe 37:11

Mo wani, mo ma ye so agbia ti Asirii asara na akodro kue; mo ma lege so ala fâ azo ti akodro kue, zo oko angba na fini pepe. Mo baa ti mo, mo tene, fade a yeke zi mo ma?

Ésaïe 37:18

KOTA GBIA, taa-tënë, agbia ti Asirii ahunzi amara nde kue si ala buba akodro ti amara ni.

Jérémie 10:22

Mbeni tënë alondo kâ si ayeke ga, mbeni ye so ayeke yingi ndo alondo na Banga si ayeke ga, ayeke ga ti buba agbata ti Juda si agbata ni ayeke ga ngonda, ayeke ga ndo ti lango ti *anzagua.

Jérémie 30:12

So tënë ti yanga ti KOTA GBIA laa: “Ka ti mo ayeke so mingi, ka ni ayeke mu oko pepe!

Jérémie 46:11

So mawa na mo, maseka-wali Ezipte! Gue na sese ti Galaad, mo gi mafuta ti zia na le ti ka ti mo. Mo so li ti mo ti gi ayoro gbani gbani pepe: ka ti mo ni ayeke mu pepe.

Abia ti demango tere 2:15

Azo so kue ayeke hon na lege, ala yeke pika maboko ti ala ti he ala, azo ti Jérusalem. Azo ni so ayeke huru yanga ti ala. Ala baa gbata ni si ala yeke yingi li ti ala, ala tene: “Jérusalem, pendere kodro so ando so laa? Kodro ti mungo ando ngia na be ti azo ti sese, ni laa aga fadeso tongaso so-oo?”

Ezekiel 25:6

“Tënë so mbi Kota Gbia NZAPA, mbi tene ayeke so: Ala pika lani maboko, ala huru na ngia ndali ti ye ti vundu so asi na Israel; be ti ala anzere si ala baa azo ti Israel tongana mbumbuse ye na le ti ala.

Jonas 1:2

“Londo, mo gue na Ninive, kota gbata so! Mo dekongo na tënë ti yanga ti mbi na azo ni, mo tene, mbi baa sioni ti ala ahon ndoni awe.”

Mishe 1:9

A pika azo ti Samarii na ka, ka ni ayeke kota mingi, zo alingbi ti sara si ka ni amu pepe. Ka ni ague ngbii awara azo ti Juda, ague nga ngbii asi na yanga ti gbata ti Jérusalem, ndo so azo ti mbi ayeke daa.

Aye so Nzapa afa 13:7

A mu na lo lege ti tiri na azo ti Nzapa, ti hon ndö ti ala. A mu na lo komandema na ndö ti azo ti kete mara kue, azo ti akodro kue, azo ti ayanga ti kodro kue na azo ti amara kue.

Aye so Nzapa afa 17:2

Agbia ti sese asara aye ti ndumba na lo; azo ti dunia kue anyon vin ti aye ti ndumba ti lo si ayeke sara ala.”

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!