Nahum 3:18 - Mbeti ti Nzapa - Tënë so amu fini

¹⁸ Mo, gbia ti Asirii, akomanda ti mo alango biani biani awe, aturugu ti mo ti kota kamba alango na du ti kuâ biani biani awe. Azo ti mo akangbi kirikiri na ndö ti ahoto, zo ti bongbingo ala na ndo oko ayeke daa pepe.

Nahum 3:18 ပူးပေါင်းရင်းမြစ်များ

1 Agbia 22:17

Tongaso Mishe atene: “Mbi baa azo ti Israel kue akangbi kirikiri na ndö ti ahoto, tongana ataba so zo ti batango ala ayeke daa pepe. KOTA GBIA atene: ‘Makonzi ti azo so ayeke daa oko pepe. Ayeke nzoni zo oko oko akiri na ndo ti lo na siriri.’ ”

Sigingo 15:16

Mbeto na kota mbeto agbu ala. KOTA GBIA, so ala baa ngangu ti maboko ti mo, mbeto ahon ndö ti ala si tënë ahunzi na yanga ti ala, ngbii azo ti mo ahon na mbage ti ngu ni; azo ti mo so mo vo ala so.

Ésaïe 13:14

Tongaso, tongana dengbe so zo ayeke tumba peko ti lo, tongana ataba so zo ti batango ala ayeke daa pepe, fade zo oko oko ayeke mu lege ti gue na mbage ti azo ti lo, zo oko oko ayeke kpe ti kiri na kodro ti lo.

Ésaïe 47:1

*KOTA GBIA atene: “Babilone, pendere gbata, mo zu, mo duti na ya ti fuku ti sese; kua ti mo ti gbia-wali ahunzi awe! Gbata ti azo ti Babilone, mo duti taa na sese, ngbanga ti so a yeke kiri ti iri mo pepe: ‘Babilone, wali so maboko ti lo ayeke ndu ye oko pepe’, ‘Babilone, *wali-ndomo’.

Jérémie 50:18

Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: “Mbi yeke ga na tere ti gbia ti Babilone, lo na kodro ti lo tongana ti so mbi ga lani na tere ti gbia ti Asirii.”

Jérémie 51:39

Na ndembe so nzara ti aye ayeke gbi be ti ala tongana wâ, mbi yeke leke matanga ti tengo kobe ndali ti ala. Mbi yeke mu na ala samba, ala nyon ngbii ahon ndö ti ala. Fade ala yeke lango kpu na kpu, ala yeke kiri ti zingo pepe; so tënë ti yanga ti KOTA GBIA laa.

Jérémie 51:57

“Mbi yeke mu samba na akota zo ti lo nga na azo ti ndara ti lo, agovoronere ti lo, akota komanda nga na angangu turugu ti lo. Fade azo ni ayeke lango kpu na kpu, ala yeke kiri ti zingo pepe; so tënë ti yanga ti Gbia laa, lo so iri ti lo ayeke KOTA GBIA so ayeke na ndö ti dunia kue.”

Aye so Nzapa afa 6:15

Agbia ti sese so, akota zo, amakonzi ti aturugu, azo ti mosoro, angangu zo, azo so ayeke angbaa na azo so ayeke angbaa pepe, ala kue akpe ti honde tere ti ala na ya ti adu ti têne wala na popo ti akota têne so ayeke na ndö ti ahoto.