Nahum 3:14 - Mbeti ti Nzapa - Tënë so amu fini

¹⁴ Ala azo ti Ninive, ala to ngu, ala bata ni ndali ti ngoi so awato ti ala ayeke ngoro ala kue so. Ala kiri aleke agbagba ti ala titene akiri akpengba ngangu. Ala gue, amu sese, ala do ya ni, ala sara na potopoto, ala gboto na biriki.

Nahum 3:14 ပူးပေါင်းရင်းမြစ်များ

2 Mbai 32:11

Ezekias ayeke tene na ala atene, fade *KOTA GBIA, Nzapa ti ala ayeke zi ala na maboko ti gbia ti Asirii. Me lo yeke handa ala titene nzara ti kobe na nzara ti ngu afâ ala!

Ésaïe 37:25

Mbi zi adu ti ngu si mbi nyon ngu ti adu ni. Mbi yeke do angu ti Ezipte kue na gbe ti gere ti mbi si ahole.’

Ésaïe 8:9

Ala azo, ala do na mbeto, fade a yeke nika ala! Ala azo so alango yongoro, ala dingi mê ti ala, ala ma! Ala leke tere ti ala ti tiri bira, fade a yeke nika ala! Ala leke tere ti ala ti tiri bira, fade a yeke nika ala!

Jérémie 46:9

Ala ambarata, ala londo asara bira! Ala apusu ti mbarata, ala mu loro ngangu! Ala angangu zo ti bira, ala mu li ni! Ala azo ti Etiopii na ti Put, ala so ahinga ti gbu avala, ala azo ti Lud so ahinga ti tiri na kokora, ala nga, ala mu li ni!”

Nahum 2:1

Ala azo ti Juda, baa mbeni zo alondo na ndö ti ahoto ayeke ga, lo yeke ga na nzoni tënë: lo yeke tene tënë ti siriri! Ala sara amatanga ti ala, ala sara ye alingbi na zendo so ala mu na Nzapa. Zo ti sioni pialo ti bubango ndo so ayeke kiri ti hon na ya ti kodro ti ala pepe; ti lo ahunzi biani biani awe.

Nahum 2:2

Ninive, azo ayeke ga na ngangu ti tiri bira na mo. Ala aturugu, ala bata ngangu gbagba! Le ti ala akpengba na ndö ti alege, ala leke tere ti ala ti tiri bira, ala luti ngangu tongana koli!