Nahum 3:13 - Mbeti ti Nzapa - Tënë so amu fini

¹³ Azo ti bira ti mo awoko gi tongana awali, ayanga ti kodro ti mo kue azi kota na awato ti mo. Wâ agbi angbongboro keke so ayeke kanga na ayanga ti gbagba ti kodro ti mo.

Nahum 3:13 ပူးပေါင်းရင်းမြစ်များ

Abia (Psaumes) 107:16

Biani, lo kungbi ayanga ti da so a sara na bengba wen si lo fâ kota wen ti kangango na yanga ti da.

Abia (Psaumes) 147:13

Biani, lo sara si angbongboro wen ti yanga ti gbagba ti mo akiri akpengba; lo sara tufa na ndö ti amolenge ti mo so ayeke na ndo ti mo.

Ésaïe 19:16

Na lango ni so, azo ti Ezipte ayeke ga tongana awali; ala yeke do na mbeto na ndembe so *KOTA GBIA so ayeke na ndö ti dunia kue ayeke yoro maboko ti lo ti be le na ala.

Jérémie 50:36

Bira aga na tere ti azo ti bingo mbadi! Ayeke nzoni ala ga azo ti buba! Bira aga na tere ti aturugu ti Babilone! Ayeke nzoni mbeto ahon ndö ti ala!

Jérémie 50:37

Bira aga na tere ti ambarata na apusu ti mbarata ti lo! Bira aga na tere ti amara nde nde so ayeke tiri bira ndali ti lo! Ayeke nzoni ala ga tongana awali! Bira aga na tere ti amosoro ti lo! Ayeke nzoni a nzi amosoro ni kue!

Jérémie 51:30

Angangu zo ti bira ti Babilone azia lege ti bira awe, ala honde tere ti ala na ya ti ngangu gbagba ti bira ti ala kâ. Ngangu ti ala kue ahunzi awe, ala ga tongana awali. A zi ayanga ti gbata ni polele awe; a gbi ada ti lango ti azo ti Babilone kue awe.

Abdias 1:9

Ti mo, gbata ti Teman, fade mbeto ayeke hon ndö ti angangu turugu ti mo. Nilaa fade a yeke fâ akoli kue ti ndö ti hoto ti Ezau.

Nahum 2:6

Gbia ti Asirii airi aturugu ti lo ti kota kamba, me na gango ti ala, gere ti ala ayeke do dongo. Azo so ayeke ga na bira ni ayeke gue hio hio na tere ti ngangu gbagba; ala leke ndo ti batango tere ti ala daa na gbe ti agbagba ni.

Nahum 2:7

Gi hio tongaso, awato akungbi ayanga ti gbagba so ayeke na tere ti ngu so awe; yangbo ti gbia ati awe!

Nahum 3:15

Me ala yeke sara gbaa, fade wâ ayeke gbi ala si ala yeke kui kue na ya ti bira. Wâ na bira ayeke hunzi ala tongana ti so agbadola ayeke te ye kue si ahunzi so. Azo ti gbata ni awu ando mingi tongana agbadola; ala wu mingi tongana akinda-gozo.