Nahum 3:1 - Mbeti ti Nzapa - Tënë so amu fini

¹ Mawa na mo, gbata ti tukungo mene! Tënë ti handango zo na tënë ti nzi laa asi singo kâ! Nzi angba ngbango na ya ti gbata ni!

Nahum 3:1 ပူးပေါင်းရင်းမြစ်များ

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Ésaïe 17:14

Na lakui, ala yeke zia kota mbeto na be ti azo; me kozo titene ndo ahan, mbeni ye oko akiri angba pepe. Azo so ayeke gbu aye ti e, baa ye so ayeke si ande na ala laa; azo so ayeke nzi aye ti e, baa ye so ayeke si ande na ala laa.

Ésaïe 24:9

Azo akiri ahe bia pepe ti nyon na vin, angangu samba asee sengo na yanga ti azo ti nyongo ni.

Ésaïe 42:24

Zo wa laa azia Jacob na maboko ti azo so amu aye na tere ti lo kue so? Zo wa laa azia Israel na maboko ti azo so anzi aye ti lo kue so? Ayeke KOTA GBIA pepe? Biani, e sara lani siokpari so ake lo; azo ti lo atambula na lege ti lo pepe, ala ma tënë ti Ndia ti lo pepe.

Osée 4:2

Ye so ahon ndoni na ya ti kodro ni ayeke dengo ba ti mvene, handango zo, fango zo, nzi, gingo wali wala gingo koli ti zo, tukungo mene na peko ti tere, na peko ti tere.

Nahum 2:12

Fadeso, ndo ti lango ti abamara ayeke na ndo wa? Ndo so akete bamara ayeke te kobe daa ayeke na ndo wa? Lani, tongana bamara ahon ti gi nyama ndali ti amolenge ti lo, zo oko ti zia mbeto na be ti ala ayeke daa pepe.

Nahum 2:13

Bamara ni ayeke fâ nyama, lo yeke suru ya ti nyama ni, lo zia na wali ti lo nga na amolenge ti lo. Lo yeke sara si ya ti du ti lo asi singo na anyama; du ti lo so lo yeke lango daa so asi singo na anyama so lo suru ya ti ala kete kete.

Habakuk 2:12

“Mawa na mo, mo so mo leke gbata na lege ti tukungo mene, mo zia gere ti gbata na lege ti sarango ye ti ngangu na azo!