Nahum 2:8 - Mbeti ti Nzapa - Tënë so amu fini

⁸ Ala gbu nzapa-wali ti gbata ni, ala mu lo ahon na lo; awali so ayeke sara kua na lo, ala yeke dema tere ti ala tongana ambipa; ala zia maboko na ndö ti go ti fa mawa ti ala.

Nahum 2:8 ပူးပေါင်းရင်းမြစ်များ

Tongo nda ti aye 10:11

Lo sigigi na ya ti kodro ni so, lo gue na kodro ti Asirii. Lo leke gbata ti Ninive, ti Rehobot-Ir, ti Kela

Ésaïe 13:14

Tongaso, tongana dengbe so zo ayeke tumba peko ti lo, tongana ataba so zo ti batango ala ayeke daa pepe, fade zo oko oko ayeke mu lege ti gue na mbage ti azo ti lo, zo oko oko ayeke kpe ti kiri na kodro ti lo.

Ésaïe 38:14

Mbi dekongo tongana hirondele so ayeke huru mbage na mbage, mbi toto tongana *mbipa. Le ti mbi awoko kue na bango ndo na nduzu na mbage ti mo. KOTA GBIA, ye ahon ndö ti mbi awe, ga, mo mu maboko na mbi!

Ésaïe 47:13

Mo woko awe na bango azo ti gingo nda ti atongoro! Ala yeke baa le ti nduzu si nze na nze ala yeke fa ye so alingbi ti si na mo. Ayeke nzoni ala ga, ala soo mo!

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Ésaïe 59:11

E kue, e yeke toto tongana *a-urse, e yeke dema tongana *ambipa. E zia fade be ti e ti ku titene Nzapa asara nzoni ye, me ye oko pepe. E yeke ku fade titene Nzapa asoo e, me lo ngba yongoro na e.

Jérémie 46:5

Me nyen laa asi, nyen? Nyen laa mbi yeke baa so, nyen? Be ti azo ni afun kue awe, ala yeke kiri na peko! A kinda angangu zo ti bira ti ala awe; ala yeke kpe kirikiri, ala baa ndo na peko pepe; mbeto ayeke mbage na mbage kue; so tënë ti yanga ti KOTA GBIA laa.

Jérémie 47:3

Ala ma toto ti gere ti ambarata so ado sese ngangu; ala ma toto ti apusu ti mbarata na toto ti gere ti apusu ni. Tongaso be ti ababâ awoko kue, be ti ala agirisa na amolenge ti ala,

Jérémie 50:16

Ala zi na kodro ti Babilone zo so kue ayeke lu ale ti kobe; ala zi nga azo so kue ayeke fâ ale ti kobe. Tongana bira aza wâ, ayeke nzoni zo oko oko akiri na ndo ti azo ti lo; zo oko oko akpe ague na kodro ti lo wani!

Jérémie 51:13

Babilone, mo so mo yeke lango na tere ti kota *bale so, mo so gba ti amosoro asi singo na mo so, ti mo ahunzi awe. Mo nzi amba ti mo alingbi awe.

Jérémie 51:30

Angangu zo ti bira ti Babilone azia lege ti bira awe, ala honde tere ti ala na ya ti ngangu gbagba ti bira ti ala kâ. Ngangu ti ala kue ahunzi awe, ala ga tongana awali. A zi ayanga ti gbata ni polele awe; a gbi ada ti lango ti azo ti Babilone kue awe.

Nahum 1:1

So ayeke nengo tënë ti wayanga-Nzapa na ndö ti kodro ti Ninive. So ayeke buku ti aye so asi na le ti Nahum, zo ti kodro ti Elkosh si lo baa ni na ya ti mbeni ye tongana bango-li.

Nahum 3:17

Akota zo ti kodro ti ala awu tongana angadi, amakonzi ti aturugu ti ala ayeke tongana gba ti angadi so ayeke huru so. Na ngoi ti de, ala yeke duti na tere ti pere; tongana lâ asu, ala huru ague na ndo so zo ahinga pepe. Fadeso, ala yeke na ndo wa?

Aye so Nzapa afa 17:1

Tongaso, mbeni *ange oko na popo ti a-ange mbarambara so ayeke na akopo mbarambara so, aga na tere ti mbi si lo tene na mbi: “Ga, mbi yeke fa na mo lege so a yeke fâ ande ngbanga na li ti kota wali-ndumba, lo so lo yeke kota gbata so a leke ni na tere ti akota ngu so.

Aye so Nzapa afa 17:15

Ange ni akiri atene na mbi: “Angu so mo baa so si wali-ndumba ni ayeke lango na tere ni so, ayeke azo ti akodro nde nde, azo gbani gbani, azo ti amara nde nde na azo ti ayanga ti kodro nde nde.