Nahum 2:7 - Mbeti ti Nzapa - Tënë so amu fini

⁷ Gi hio tongaso, awato akungbi ayanga ti gbagba so ayeke na tere ti ngu so awe; yangbo ti gbia ati awe!

Nahum 2:7 ပူးပေါင်းရင်းမြစ်များ

Ésaïe 32:12

Ala zia maboko na ndö ti go ti ala ti fa vundu ti be ti ala, ala toto ndali ti apendere yaka ti ala, ndali ti akeke ti vinye so lani ayeke le mingi so,

Ésaïe 38:14

Mbi dekongo tongana hirondele so ayeke huru mbage na mbage, mbi toto tongana *mbipa. Le ti mbi awoko kue na bango ndo na nduzu na mbage ti mo. KOTA GBIA, ye ahon ndö ti mbi awe, ga, mo mu maboko na mbi!

Ésaïe 59:11

E kue, e yeke toto tongana *a-urse, e yeke dema tongana *ambipa. E zia fade be ti e ti ku titene Nzapa asara nzoni ye, me ye oko pepe. E yeke ku fade titene Nzapa asoo e, me lo ngba yongoro na e.

Ezekiel 7:16

Azo so ayeke ngba na fini ayeke kpe ti gue na li ti ahoto. Tongana ti so *ambipa ti apopo-hoto so ayeke dema, zo oko oko ayeke dema ndali ti sioni ti lo.

Nahum 2:6

Gbia ti Asirii airi aturugu ti lo ti kota kamba, me na gango ti ala, gere ti ala ayeke do dongo. Azo so ayeke ga na bira ni ayeke gue hio hio na tere ti ngangu gbagba; ala leke ndo ti batango tere ti ala daa na gbe ti agbagba ni.

Nahum 3:13

Azo ti bira ti mo awoko gi tongana awali, ayanga ti kodro ti mo kue azi kota na awato ti mo. Wâ agbi angbongboro keke so ayeke kanga na ayanga ti gbagba ti kodro ti mo.

Marc 14:66

So Pierre ayeke duti ti lo kâ na gbeni na ya ti gbagba ni, mbeni wali so ayeke sara kua na kota wayango-sandaga asi.

Nzoni Tënë so Luc asu na mbeti 23:27

Azo gbani gbani ayeke mu peko ti Jésus; ambeni wali nga ayeke na popo ti azo ni. Ala zia maboko na ndö ti go ti ala si ala yeke toto ndali ti lo.

Nzoni Tënë so Luc asu na mbeti 23:48

Gba ti azo so aga fade ti baa ye so kue asi so, so ala baa ye ni awe, ala zia maboko ti ala na ndö ti go ti ala si ala yeke kiri na da.