Nahum 2:5 - Mbeti ti Nzapa - Tënë so amu fini

⁵ Apusu ti mbarata ni ayeke hon gi na ngangu, ala tuku na ndö ti alege nga na ndö ti abalabala. Ala yeke tongana *tanda so aza wâ, ala yeke hon tongana wâ ti bekpa.

Nahum 2:5 ပူးပေါင်းရင်းမြစ်များ

Ésaïe 21:5

A leke meza awe, a zia asanziri ti baa ndo, azo ayeke te, ala yeke nyon. Mo ye ti baa, mbeni zo adekongo: “Aturugu ti kota kamba, ala londo! Ala zia mafuta na tere ti *avala ti ala!”

Ésaïe 5:27

Mbeni zo na popo ti ala awoko pepe, mbeni zo apika gere ti lo pepe titene lo ti, lango asara mbeni zo oko pepe, zo oko alango nga pepe, kamba ti ndö ti bongo ti mbeni zo oko azi pepe si kamba ti poro ti mbeni zo oko afâ nga pepe.

Jérémie 46:12

Amara nde ama tënë ti ye ti kamene so asi na mo, ngbanga ti so demango tere ti mo amu ndo kue. Ngangu zo ti bira ati na ndö ti mbeni ngangu zo ti bira; ala use kue ati legeoko gburrr.

Jérémie 50:29

Ala iri azo ti pikango kokora kue, ala so ahinga ti pika kokora nzoni ti ga ti tiri bira na Babilone. Ala sara bâbâ ti ala angoro Babilone kue; ala sara si zo oko asigigi akpe pepe! Ala kiri na lo peko ti sioni so lo sara, ala futa lo alingbi na ye so lo sara na amba ti lo! Biani, lani lo sara kuru baba mingi ti ke KOTA GBIA, Nzapa ti Israel so ayeke nde si ayeke nzoni kue.

Nahum 2:6

Gbia ti Asirii airi aturugu ti lo ti kota kamba, me na gango ti ala, gere ti ala ayeke do dongo. Azo so ayeke ga na bira ni ayeke gue hio hio na tere ti ngangu gbagba; ala leke ndo ti batango tere ti ala daa na gbe ti agbagba ni.

Nahum 3:18

Mo, gbia ti Asirii, akomanda ti mo alango biani biani awe, aturugu ti mo ti kota kamba alango na du ti kuâ biani biani awe. Azo ti mo akangbi kirikiri na ndö ti ahoto, zo ti bongbingo ala na ndo oko ayeke daa pepe.

Nahum 3:3

Azo ti mbarata akpe loro, ala gue na bira, le ti ayongoro zeme aza tongana wâ; alikongo aza zango. Azo akui gbani gbani, akuâ na ndö ti tere, na ndö ti tere, zo alingbi ti diko ni pepe; azo ayeke pika gere ti ala na akuâ ni.

Habakuk 1:8

Ambarata ti ala ayapu na loro ahon ze, ala yeke hon hio na bira tongana ambo ti ngonda so ayeke gi anyama na lakui. Azo ti kpengo na mbarata ti ala alondo yongoro si ala ga, ala mu ndo kue, ala yeke huru tongana *ngoalo so ayeke huru ti ti na ndö ti nyama.