Nahum 2:3 - Mbeti ti Nzapa - Tënë so amu fini

³ Lani, azo ti nzi anzi aye ti *ahale ti Jacob kue, ala buba ayaka ti *vinye ti ala kue; me fadeso, KOTA GBIA akiri na ala ye so ala yeke pika kate ti ala daa, lo wani laa azo ti Israel ayeke pika kate ti ala ndali ti lo.

Nahum 2:3 ပူးပေါင်းရင်းမြစ်များ

Mbeti ti Job 39:23

Bozo ti ale ti kokora, likongo so aza zango nga na yongoro zeme ayeke toto na ndö ti lo.

Abia (Psaumes) 80:13

Mo kungbi gbagba so ayeke na tere ti keke ni ngbanga ti nyen? Azo so kue ayeke hon na lege ayeke nzi ale ni;

Ésaïe 14:8

Ataa akeke ti sipre ayeke na ngia ndali ti tingo ti lo, akeke ti sedre ti Liban atene: “Ngbene ye so mo yeke na du ti kuâ so, zo ti dengo e na sese ayeke daa mbeni pepe!”

Ezekiel 23:24

Ala yeke londo na mbage ti Banga ti ga na tere ti mo. Ala yeke ga na apusu ti mbarata, na apusu nde nde; gba ti bongbi ti aturugu laa. Ala yeke mu *avala na akpoto ti wen ti ga na ni na tere ti mo. Ala yeke ngoro mo mbage na mbage kue. Mbi yeke zia tënë ti mo na maboko ti ala si ala yeke fâ ngbanga ti mo alingbi na ndia ti ala.

Ezekiel 26:7

“Biani, tënë so mbi Kota Gbia NZAPA, mbi tene ayeke so: Mbi yeke sara titene Nabukodonosor, gbia ti Babilone, kota gbia ti agbia alondo na mbage ti Banga ti ga na tere ti mo, gbata ti Tir. Lo yeke ga na ambarata, apusu ti mbarata, azo ti kpengo na mbarata nga na aturugu gbani gbani.

Nahum 3:2

Kâ, gi toto ti fimbo, fia, fia, fia! Toto ti apusu ti mbarata, gada, gada, gada! Gere ti ambarata, kpakata, kpakata, kpakata! Apusu ti bira akpe fiuuu!

Zakarii 1:8

Na bi so, na ya ti mbeni ye tongana bango-li, mbi baa mbeni koli so aduti na ndö ti mbeni mbarata so tere ti lo abe bengo. Mbarata ni ayeke luti na popo ti akeke ti mirte, na popo-hoto, na gbeni kâ. Na peko ti lo, ambeni mbarata ni ayeke daa so tere ti ala abe bengo, tere ti ala avuru tuuu si tere ti ala avuru vurungo.

Zakarii 11:2

Ala akeke ti sipre, ala toto na vundu, ngbanga ti so akeke ti sedre ati awe, ngbanga ti so a kinda angangu keke ni awe. Ala akeke ti shene ti Bashan, ala toto na vundu, ngbanga ti so a de kota gbako ti ala ni kue awe, gbako so zo alingbi ti li daa pepe so.

Zakarii 6:2

Na tere ti kozo pusu ti mbarata ni, a kanga ambarata so tere ti ala abe bengo; na tere ti use pusu ni, a kanga ambarata so tere ti ala avuko vukongo;

Aye so Nzapa afa 12:3

Mbeni ye ti kpene nde akiri asigigi na le ti nduzu: mbeni sioni nyama so akpa ngunde, tere ti lo abe tongana wâ, li ti lo ayeke mbarambara, lo yeke na adidi baleoko si lo yu akpoto ti gbia na ali ti lo oko oko kue.

Aye so Nzapa afa 6:4

Tongaso, mbeni mbarata ni asigigi, tere ti lo abe tongana wâ. A mu ngangu na zo so aduti na ndö ti mbarata ni ti zi siriri na ndö ti sese titene azo afâ tere na popo ti ala. A mu nga na lo yongoro zeme.