Nahum 2:2 - Mbeti ti Nzapa - Tënë so amu fini

² Ninive, azo ayeke ga na ngangu ti tiri bira na mo. Ala aturugu, ala bata ngangu gbagba! Le ti ala akpengba na ndö ti alege, ala leke tere ti ala ti tiri bira, ala luti ngangu tongana koli!

Nahum 2:2 ပူးပေါင်းရင်းမြစ်များ

Abia (Psaumes) 47:4

Lo yeke zia azo na gbe ti e, lo yeke zia amara nde na gbe ti gere ti e.

Ésaïe 60:15

Azo ado mo lani azia, azo ake mo, zo oko ahon na ndo ti mo pepe. Me fadeso mbi yeke sara titene mo ga gbata so azo ayeke pika kate ti ala ndali ni kpu na kpu, gbata so azo ti angoi kue ayeke duti na ngia ndali ni.

Jérémie 25:29

Biani, gbata so a zia nde ndali ti mbi, mbi yeke to nda ti tokua kota kpale ti ti na ndö ni. Ala baa ti ala atene, ala yeke sigigi na ya ni? Oko pepe, fade ala yeke sigigi na ya ni pepe. Me gi bira laa mbi yeke tokua na tere ti azo ti dunia kue; so tënë ti yanga ti KOTA GBIA laa.”

Jérémie 48:11

“Ti londo na ngoi so Moab ade kete ngbii asi laso, lo duti nzoni: laoko a gbu lo a gue na lo na kodro wande pepe. Lo duti ando gi kpoo tongana vin so aduti na ndö ti puru ni. Laoko a tuku vin ni na ya ti mbeni ta nde pepe. Ndani laa lo bata nzerengo ti lo nga na nzoni fion ti lo.

Jérémie 49:9

Tongana azo ti kongo ale ti *vinye asi na ndo ti ala, azo ni ayeke zia le ti vinye oko angba pepe. Tongana azo ti nzi aga na bi, ala yeke buba ye so kue ala lingbi ti buba ni.

Ezekiel 37:21

Na pekoni, mo tene na ala: Tënë so Kota Gbia NZAPA atene ayeke so: Ala azo ti Israel, mbi yeke zi ala na popo ti amara nde so ala gue na ndo ti ala nga na ando nde nde, mbi yeke bongbi ala si mbi yeke kiri na ala na sese ti ala.

Ezekiel 37:23

Ala yeke kiri ti ga *sioni pepe na lege ti vorongo afungo yanda, na lege ti sarango asioni ye so zo alingbi ti baa na le ti lo fani use pepe nga na lege ti asioni nde nde so ala sara. Mbi yeke zi ala na ando so kue ala duti daa si ala sara siokpari so; mbi yeke sara si ala ga *nzoni. Ala yeke duti azo ti mbi si mbi yeke duti Nzapa ti ala.

Osée 10:1

Israel ayeke tongana keke ti *vinye so ayeke le ando mingi. So ale ti keke ti lo ayeke wu mingi, lo yeke sara si agbalaka akiri awu mingi; so sese ti lo ayeke pendere mingi, lo yeke sara si angbongboro têne so a leke si aluti na nduzu akiri aga pendere mingi.

Nahum 2:10

Ala azo, ala nzi nginza na lôro ahon na ni! Amosoro asi singo na ya ti gbata ni, apendere ye ayeke daa gbani gbani.

Nahum 3:14

Ala azo ti Ninive, ala to ngu, ala bata ni ndali ti ngoi so awato ti ala ayeke ngoro ala kue so. Ala kiri aleke agbagba ti ala titene akiri akpengba ngangu. Ala gue, amu sese, ala do ya ni, ala sara na potopoto, ala gboto na biriki.

Sofonii 3:11

“Na lango ni so, ala azo ti mbi, asioni ye so kue ala sara, aye so ala sara ti ke mbi, fade kamene ni ayeke kiri ti sara ala pepe. Biani, na lango ni so, azo ti kirikiri so baba ahon ndö ti ala, mbi yeke zi ala na popo ti ala, azo ti mbi. Tongaso si ala zia lege ti sarango kuru baba na ndö ti hoto ti mbi so ayeke nde si ayeke nzoni kue.