Nahum 2:13 - Mbeti ti Nzapa - Tënë so amu fini

¹³ Bamara ni ayeke fâ nyama, lo yeke suru ya ti nyama ni, lo zia na wali ti lo nga na amolenge ti lo. Lo yeke sara si ya ti du ti lo asi singo na anyama; du ti lo so lo yeke lango daa so asi singo na anyama so lo suru ya ti ala kete kete.

Nahum 2:13 ပူးပေါင်းရင်းမြစ်များ

2 Agbia 18:17

Andaa gbia ti Asirii ayeke na gbata ti Lakish. Kâ, lo tokua turugu ti lo ti kota kamba, na makonzi ti akota zo ti kua ti lo nga na makonzi ti aturugu ti batango lo, ala na gba ti aturugu; lo tokua ala na gbia Ezekias na Jérusalem. So ala si kâ awe, ala gue, aluti na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

2 Agbia 18:19

Makonzi ti aturugu ti batango gbia ti Asirii atene na ala: “Ala gue, atene na Ezekias, atene: Tënë so kota gbia, gbia ti Asirii atene ayeke so: ‘So ziango be ti nyen laa mo zia na ndö ti ye so!

2 Agbia 19:23

Na lege ti awatokua ti mo, mo zonga mbi, Kota Gbia, si mo tene: ‘Mbi Senakerib, na apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban, mbi de ayongoro keke ti sedre ti gbako ni, mbi de apendere keke ti sipre ti gbako ni. Mbi si taa na be ti gbako ni, na ndo so akeke asi singo daa.

2 Agbia 19:9

Gbia ti Asirii ama a tene, Tiraka, gbia ti Etiopii ayeke ga ti tiri bira na lo. Tongaso, lo kiri lo tokua azo na Ezekias, lo tene:

2 Mbai 32:19

Ala yeke tene tënë ti Nzapa ti Jérusalem tongana ti so azo ayeke tene tënë ti anzapa ti amara nde so azo asara ni na maboko ti ala.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Jérémie 21:13

Ala so ayeke lango na popo-hoto, na ndö ti kota têne so ayeke kpangbara so, mbi na ala, e yeke baa ya ni; so tënë ti yanga ti KOTA GBIA laa. Biani, mbi yeke ga na tere ti ala, ala so ayeke tene: ‘Zo wa laa ayeke zu ti ga na tere ti e, zo wa? Zo wa laa ayeke li na ndo so e yeke duti daa so, zo wa?’

Jérémie 46:14

“Ala azo, ala fa tënë ni na Ezipte; ala sara si azo ama tënë ni na Migdol, na Manfis nga na Tapanes. Ala tene na ala, atene: ‘Ala londo! Ala leke tere ti ala!’ Biani, azo so ayeke nduru na tere ti ala, bira ahunzi ala awe!

Jérémie 50:31

“Mo Babilone, zo ti baba, mbi na mo, e yeke baa ya ni; so tënë ti yanga ti Kota Gbia NZAPA so ayeke na ndö ti dunia kue laa. Ti mo, lango ni alingbi awe, ndembe so mbi yeke ga na tere ti mo.

Jérémie 51:25

Biani, Babilone, mbi na mo, e yeke baa ya ni; so tënë ti yanga ti KOTA GBIA laa. Titene mo buba ye, mo yeke na ngangu tongana mbeni kota hoto; mo yeke buba aye ti ndö ti sese kue! Mbi yeke yoro maboko na le ti mo; mbi yeke sara si mo londo kâ na li ti kota têne, mo ti na sese. Mbi yeke sara si mo ga tongana hoto so wâ agbi ni kue.

Ezekiel 13:8

Ndani laa, tënë so mbi Kota Gbia NZAPA, mbi tene ayeke so: Ndali ti so ala yeke tene gi atënë ti li ti ala wani si aye so ala baa na ya ti mbeni ye tongana bango-li ayeke ti handa na azo, mbi yeke ga na tere ti ala.’ So tënë ti yanga ti Kota Gbia NZAPA laa.

Ezekiel 21:3

Fade mo yeke tene na azo ti gbako ni, mo tene: Ala ma tënë ti KOTA GBIA! Tënë so mbi, Kota Gbia NZAPA, mbi tene ayeke so: Mbi yeke bi wâ na ya ti gbako ni si ayeke gbi afini keke na aholengo keke kue. Menga-wâ so ayeke za lawu lawu so ayeke mingo pepe; ti londo na Mbongo ngbii asi na Banga, wâ ni ayeke zö le ti azo kue.

Ezekiel 26:3

Ndali ti tënë so, tënë so mbi Kota Gbia NZAPA, mbi tene ayeke so: Mo Tir, mbi yeke ga na tere ti mo! Mbi yeke pusu gba ti amara nde ti tiri bira na mo; ala yeke tuku na ndö ti mo tongana ti so kota ngu-ingo ayeke sara si *amapo alondo.

Ezekiel 28:22

Mo tene na lo, mo tene: Tënë so Kota Gbia NZAPA atene ayeke so: Mo Sidon, mbi yeke ga na tere ti mo! Mbi yeke sara titene azo ane mbi na ya ti gbata ni. Fade azo kue ayeke hinga atene, mbi laa mbi yeke KOTA GBIA na ndembe so mbi yeke fâ ngbanga na li ti lo; mbi yeke fa so mbi yeke Nzapa so mbi yeke nde si mbi yeke nzoni kue.

Ezekiel 29:10

Ndani laa, mbi yeke ga na tere ti mo nga na tere ti angu ti Nil ti mo. Mbi yeke sara titene Ezipte abuba kue si aga benyama, ti londo na Migdol ngbii asi na gbata ti Asuan, ngbii asi na katikati ti Etiopii.

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Ezekiel 35:3

Mo tene na ala, mo tene: Tënë so Kota Gbia NZAPA atene ayeke so: Mbi yeke ga na tere ti ala! Mbi yeke yoro maboko ti mbi ti pika mo, hoto ti Seir; mbi yeke sara si mo ga benyama biani biani.

Ezekiel 38:3

Mo tene na lo, mo tene: Tënë so Kota Gbia NZAPA atene ayeke so: Mo Gog, kota makonzi ti azo ti Meshek na ti azo ti Tubal, mbi yeke ga na tere ti mo.

Ezekiel 39:1

“Ti mo, *molenge ti zo, mo tene peko ti tënë ti yanga ti mbi na tere ti Gog. Mo tene na lo, mo tene: Tënë so Kota Gbia NZAPA atene ayeke so: Mbi yeke ga na tere ti mo, Gog, kota makonzi ti azo ti Meshek na ti Tubal.

Ezekiel 5:8

Ndani laa, tënë so mbi Kota Gbia NZAPA, mbi tene ayeke so: Mbi yeke ga na tere ti ala, azo ti Jérusalem. Mbi yeke fâ ngbanga na li ti ala taa na ya ti gbata ni, na le ti amara nde.

Nahum 2:12

Fadeso, ndo ti lango ti abamara ayeke na ndo wa? Ndo so akete bamara ayeke te kobe daa ayeke na ndo wa? Lani, tongana bamara ahon ti gi nyama ndali ti amolenge ti lo, zo oko ti zia mbeto na be ti ala ayeke daa pepe.

Nahum 3:1

Mawa na mo, gbata ti tukungo mene! Tënë ti handango zo na tënë ti nzi laa asi singo kâ! Nzi angba ngbango na ya ti gbata ni!

Nahum 3:12

Angangu gbagba ti mo kue ayeke tongana ale ti fige so abe awe. Gi so zo ayingi keke ti fige ni, ale ni ayeke ti na yanga ti zo ni.

Nahum 3:15

Me ala yeke sara gbaa, fade wâ ayeke gbi ala si ala yeke kui kue na ya ti bira. Wâ na bira ayeke hunzi ala tongana ti so agbadola ayeke te ye kue si ahunzi so. Azo ti gbata ni awu ando mingi tongana agbadola; ala wu mingi tongana akinda-gozo.

Nahum 3:5

Baa, mbi yeke ga na tere ti mo, so tënë ti yanga ti *KOTA GBIA so ayeke na ndö ti dunia kue laa: Mbi yeke yo bongo so ayeke na tere ti mo so na nduzu ngbii ti bi na li ti mo; mbi yeke sara titene amara nde abaa tere ti mo ti wali si ala baa kamene so ayeke na le ti mo.

Josué 11:6

*KOTA GBIA atene na Josué: “Sara mbeto ti ala pepe, ngbanga ti so kekereke, gi na oko ngbonga so, mbi yeke zia azo ni kue na maboko ti azo ti Israel, nduru na kuâ. Fade mo yeke fâ akamba ti ngbongo ti ambarata ti ala si mo yeke gbi apusu ti mbarata ti ala.”

Josué 11:9

Josué asara na ala alingbi na yanga so KOTA GBIA amu na lo: lo fâ akamba ti ngbongo ti ambarata ti ala si lo gbi apusu ti mbarata ti ala.