Nahum 2:12 - Mbeti ti Nzapa - Tënë so amu fini

¹² Fadeso, ndo ti lango ti abamara ayeke na ndo wa? Ndo so akete bamara ayeke te kobe daa ayeke na ndo wa? Lani, tongana bamara ahon ti gi nyama ndali ti amolenge ti lo, zo oko ti zia mbeto na be ti ala ayeke daa pepe.

Nahum 2:12 ပူးပေါင်းရင်းမြစ်များ

2 Samuel 17:8

Mo hinga babâ ti mo na azo ti lo kue: ala kue ayeke akpengba turugu, ala sara ngonzo mingi tongana ti *urse so a nzi molenge ti lo na ya ti ngonda. Babâ ti mo ayeke zo ti bira; na bi, lo na tanga ti azo ti lo ayeke lango na ndo oko pepe.

Abia (Psaumes) 17:12

Ala yeke tongana bamara so be ti lo ayeke do dongo ti suru ya ti nyama, ala yeke tongana sioni nyama so ahonde tere ti lo ti ku ti gbu mbeni nyama.

Jérémie 51:34

“Nabukodonosor, gbia ti Babilone ate mbi awe, lo pete ya ti mbi kue, lo do mbi, lo zia tongana sembe so ya ni angba senge. Lo mene mbi tongana kota ngbo so amene ye; lo sara si ya ti lo asi na anzerengo ye ti tere ti mbi; na pekoni lo bi tanga ni na ngonda.

Nahum 2:11

A nzi ye kue awe, a buba ye kue awe, a ro ye kue ahon na ni awe! Ngangu ahunzi na azo kue awe; tere ti ala kue ayeke do, le ti ala kue akpa le ti akuâ.

Nahum 2:13

Bamara ni ayeke fâ nyama, lo yeke suru ya ti nyama ni, lo zia na wali ti lo nga na amolenge ti lo. Lo yeke sara si ya ti du ti lo asi singo na anyama; du ti lo so lo yeke lango daa so asi singo na anyama so lo suru ya ti ala kete kete.

Wungo ti azo 23:24

Baa, azo so alondo tongana mama ti bamara, ala luti na ndö ti gere ti ala tongana bamara. Bamara ni ate nyama ti lo awe si lo yeke lango; lo nyon mene ti nyama so lo gbu awe si lo yeke lango.”