Nahum 1:5 - Mbeti ti Nzapa - Tënë so amu fini

⁵ Akota hoto ayeke yingi na dawa ti lo si akete hoto aga tongana ngu. Na dawa ti lo, sese ayingi si dunia na azo ni kue ado.

Nahum 1:5 ပူးပေါင်းရင်းမြစ်များ

2 Samuel 22:8

Tongaso sese ayingi si ado; gere ti yayu ado kirikiri si ayingi na ndembe so KOTA GBIA asara ngonzo.

Mbeti ti Job 26:11

Tongana Nzapa asuku, agere ti yayu ayeke yingi, ala yeke do na mbeto.

Mbeti ti Job 9:5

Lo yeke zi ahoto ti zia ala na mbeni ndo nde, ahoto ni ahinga ye oko daa pepe; na ya ti ngonzo ti lo, lo yeke kinda ahoto ni.

Abia (Psaumes) 104:32

Lo baa sese si sese ado; lo ndu ahoto, guru ti wâ asigigi daa.

Abia (Psaumes) 114:4

Akota hoto ahuru tongana akoli-taba si akete hoto ahuru tongana akete taba.

Abia (Psaumes) 114:6

Akota hoto, nyen laa asara ala si ala huru tongana akoli-taba so? Akete hoto, nyen laa asara ala si ala huru tongana akete taba so?

Abia (Psaumes) 18:7

Na ya ti ye ti ngangu so asi na mbi, mbi iri KOTA GBIA titene lo mu na mbi maboko, mbi dekongo na Nzapa ti mbi. Kâ na ya ti kota da ti lo, lo ma go ti mbi; so mbi dekongo na lo, dekongo ni asi na mê ti lo.

Abia (Psaumes) 18:8

Tongaso sese ayingi si ado, gere ti ahoto ado kirikiri si ayingi na ndembe so KOTA GBIA asara ngonzo.

Abia (Psaumes) 46:6

Nzapa ayeke na ya ti gbata ni; mbeni ye alingbi ti kinda ni oko pepe. Na ndaperere, kozoni si lâ asigigi, Nzapa ayeke ga ti mu maboko na azo ti gbata ni.

Abia (Psaumes) 68:8

Nzapa, lani mo hon na dawa ti azo ti mo, lani mo tambula ti gue na benyama. Luti kete

Abia (Psaumes) 98:7

Ayeke nzoni kota ngu-ingo na aye so kue ayeke na ya ni atoto ngangu, sese na azo so kue ayeke na ndö ni adekongo ngangu!

Sigingo 19:18

Guru ti wâ amu ndö ti hoto ti Sinai kue, ngbanga ti so KOTA GBIA azu na ndö ti hoto ni na ya ti wâ. Guru ni alondo tongana guru ti wâ ti mbeni fur; hoto ni kue ado ngangu mingi.

Ésaïe 24:1

*KOTA GBIA ayeke buba sese kue, lo yeke buba aye ti ndö ni kue. Lo yeke sara titene aye ti ndö ti sese asanze, lo yeke kangbi azo ti ndö ti sese ni kirikiri.

Ésaïe 24:20

Sese ayeke hon mbage na mbage tongana zo so samba ahon ndö ti lo, ayeke yingi tongana mbeni kete da. Siokpari ti azo ane na ndö ti lo si lo ti, lo lingbi ti londo pepe.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Jérémie 10:10

Me KOTA GBIA ayeke taa Nzapa, lo yeke Nzapa so ayeke na fini, lo yeke gbia kpu na kpu. Tongana lo sara ngonzo, sese ayeke yingi; tongana le ti lo abe na ngonzo, amara nde alingbi ti kanga be ti ala pepe.

Jérémie 4:24

Mbi baa ahoto: ala yeke yingi si akete hoto kue ayeke do.

Ezekiel 38:20

Asusu ti kota ngu-ingo, andeke ti nduzu, anyama ti ngonda, anyama so kue ayeke hara harango nga na azo kue ti ndö ti sese, tere ti ala ayeke do na mbeto na dawa ti mbi. Ahoto ayeke ti na sese, atêne ayeke tuku na sese, agbagba kue ayeke ti na sese.

Joël 2:10

Na singo ti ala, sese ayingi, le ti nduzu ado ngangu; le ti lâ na ti nze avuko pitipiti si atongoro akiri aza pepe.

Amos 9:5

Kota Gbia NZAPA so ayeke na ndö ti dunia kue, tongana lo ndu sese na maboko ti lo, sese ni ayeke yingi si azo ti kodro ni kue ayeke duti na vundu. Sese ni kue ayeke londo na nduzu, na pekoni, ayeke kiri na gbeni tongana kota ngu ti Ezipte so asuku si akiri na gbeni.

Mishe 1:4

Ahoto aga tongana potopoto na gbe ti gere ti lo, apopo-hoto ayeke suru si aga tongana puru ti wotoro na le ti wâ, wala tongana ngu so atuku na ndö ti hoto si ayeke zu na gbeni.

Habakuk 3:10

Akota hoto abaa mo, ala yeke do na mbeto; kota ngu-Nzapa apika, amu ndo kue; kota ngu-ingo atoto, lo tuku *amapo ti lo kâ na nduzu.

Zakarii 4:7

Ange ni akiri atene: “Kota hoto, mo yeke nyen? Na dawa ti Zorobabel, mo ga kpangbara ndo. Na ndo so laa lo yeke sigigi na kozo têne ti gere ti da ni. Fade azo ayeke dekongo, atene: ‘So pendere têne! So pendere têne!’ ”

Matthieu 27:51

Gi na ndembe ni so, ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni. Sese ayingi, ya ti akota têne asuru,

Matthieu 28:2

Mo ye ti baa, sese ayingi ngangu mingi; *ange ti *Kota Gbia alondo na yayu azu na sese, lo pusu têne ti yanga ti du ni si lo duti na ndö ni.

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.

Aye so Nzapa afa 6:14

Le ti nduzu arule tere ti lo si ayeke hon tongana mbeti so azo ayeke rule ni; ahoto na azoa kue alondo na ndo so ala yeke daa si ahon.

Awafango-ngbanga 5:5

Ahoto ayingi na dawa ti mo, KOTA GBIA ti Sinai. Ala yingi na dawa ti mo, Nzapa ti Israel.