Nahum 1:4 - Mbeti ti Nzapa - Tënë so amu fini

⁴ Lo suku na kota ngu-ingo si kota ngu-ingo ni ahole; lo sara titene *abale kue ahole. Tongaso apere so ayeke na sese ti Bashan na akeke ti hoto ti Karmel ahole; akongo ti pere ti hoto ti Liban ahole.

Nahum 1:4 ပူးပေါင်းရင်းမြစ်များ

Tongo nda ti aye 8:1

Nzapa adabe ti lo na Noe, na anyama kue ti ngonda, na ala ti kodro so kue ayeke na tere ti lo na ya ti mangboko ni. Nzapa asara si mbeni pupu alondo, aya na ndö ti sese si ngu ni ato nda ti kiri.

2 Samuel 22:16

So KOTA GBIA asara sioni ngonzo, guru asigigi na hon ti lo; asara si azo abaa taa gbe ti akota ngu-ingo; azo abaa agere ti sese polele.

Mbeti ti Job 38:11

Mbi tene na lo: “Fade mo ga ngbii mo luti ge; mo yeke hon ndo so pepe! *Amapo ti mo so ayeke sara baba so, ayeke luti ti ala kâ!”

Abia (Psaumes) 104:7

Mo suku na angu ni si ala kpe ahon; gi so ala ma toto ti bekpa ti mo, ala kpe ahon.

Abia (Psaumes) 106:9

Lo suku na kota ngu-ingo ti Asosongo ni si ngu ni ahole; lo sara si akotara ti e ahon na ya ti ngu so ali mingi tongana ti so zo ayeke tambula na benyama.

Abia (Psaumes) 114:3

Kota ngu-ingo abaa ye ni si akpe; ngu ti Jourdain akiri na peko.

Abia (Psaumes) 114:5

Kota ngu-ingo, nyen laa asara mo si mo kpe so? Ngu ti Jourdain, nyen laa asara mo si mo kiri na peko so?

Abia (Psaumes) 18:16

KOTA GBIA, so mo suku ngangu si ngonzo ti mo ti wâ alondo ngangu so, azo abaa taa gbe ti akota ngu kue; agere ti sese kue asigigi polele.

Abia (Psaumes) 74:15

Mo laa mo suru lege na ali ti ngu nga na akete ngu so ayeke sua, *abale so ngu ti ya ni ayeke hole ka pepe, mo sara si ahole.

Ésaïe 33:9

Sese ni ayeke na mua, ayeke hole holengo. Agbako ti Liban ahole kue si kamene ahon ndö ti ala. Lando ti Saron ahole kasakasa. Ahoto ti Bashan na ti Karmel, akeke ayeke daa mbeni pepe.

Ésaïe 42:15

Mbi yeke buba ahoto na akete hoto; mbi yeke sara si apere ni ahole, mbi yeke sara si *abale aga kuru sese; mbi yeke sara si ngu ti *alende ahole.

Ésaïe 44:27

Mbi mu yanga na ngu so alinda mingi, mbi tene: ‘Hole! Mbi yeke sara si *abale ti mo ahole nga.’

Ésaïe 51:10

Kota ngu-ingo na kota ngu so alinda mingi so, mo ando laa mo sara si ahole pepe? Mo ando laa mo suru lege na ya ti kota ngu-ingo si azo so mo zi ala awe so ahon daa pepe?

Ezekiel 30:12

Mbi yeke sara titene angu ti Nil ahole, mbi yeke ka kodro ni na azo ti sioni. Na lege ti awande, mbi yeke buba kodro ni na amosoro ti lo kue. Mbi KOTA GBIA, mbi tene tënë awe.

Ezekiel 38:20

Asusu ti kota ngu-ingo, andeke ti nduzu, anyama ti ngonda, anyama so kue ayeke hara harango nga na azo kue ti ndö ti sese, tere ti ala ayeke do na mbeto na dawa ti mbi. Ahoto ayeke ti na sese, atêne ayeke tuku na sese, agbagba kue ayeke ti na sese.

Amos 1:2

Amos atene: “Ti londo na hoto ti *Sion, KOTA GBIA ayeke toto tongana bamara; ti londo na Jérusalem, lo dekongo ngangu. Apere ti awabatango-nyama ahole kue awe, ndö ti hoto ti Karmel ahole kasakasa.”

Amos 5:8

Lo so lo sara bongbi ti atongoro, Pleyade na Orion, lo sara si ndo so avuko pitipiti aga lumiere ti ndaperere; lo sara si kota lâ avuko si aga bi. Lo iri ngu ti kota ngu-ingo ti ga si lo tuku ni na ndö ti sese: iri ti lo ayeke KOTA GBIA.

Matthieu 8:26

Jésus atene na ala: “Ala azo ti kete mabe, mbeto agbu ala ngbanga ti nyen?” Na pekoni, lo londo, lo suku na pupu nga na amapo ni si ndo ade ngii.

Josué 3:16

ngu so alondo na mbage ti nduzu ti sua na gbeni akai ti sua, mo baa mo tene, a kanga ni kangango. Ngu ni aluti yongoro kâ na gbata ti Adam so ayeke nduru na gbata ti Sartan. Ngu so ayeke sua ti gue na gbeni na ya ti kota ngu ti Gba-ti-ingo ahon biani biani. Azo ni afâ ngu ti Jourdain na ndo so abaa le na gbata ti Jéricho.