Nahum 1:14 - Mbeti ti Nzapa - Tënë so amu fini

¹⁴ Ti mo, gbia ti Ninive, yanga so KOTA GBIA amu na ndö ti mo ayeke so: “Mbeni *hale ti mo oko ti sara si iri ti mo angba na gigi ayeke duti daa pepe. Ayanda so mo leke na keke nga na wen si ayeke na ya ti da ti anzapa ti mo so, fade mbi yeke buba ni kue. Mbi yeke leke du ti kuâ ti mo, ngbanga ti so mo kiri mo ne na le ti mbi pepe.”

Nahum 1:14 ပူးပေါင်းရင်းမြစ်များ

2 Agbia 19:37

Mbeni lâ, so lo yeke sambela na ya ti da ti nzapa ti lo Nisrok, Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

2 Mbai 32:21

Tongaso *KOTA GBIA atokua mbeni *ange so afâ ya ti bâbâ ti gbia ti Asirii, akpengba zo ti bira kue, aturugu ti kota kamba, na akota zo ti lo. Gbia ti Asirii ni akiri na kodro ti lo, na kamene na le ti lo. Na pekoni, lo li na ya ti da ti nzapa ti lo si taa amolenge ti lo laa afâ lo na yongoro zeme.

Mbeti ti Job 18:17

Na ya ti kodro, azo ayeke kiri ti dabe ti ala na lo pepe, ala yeke kiri ti di iri ti lo na mbeni ndo pepe.

Abia (Psaumes) 109:13

Ayeke nzoni a zi *ahale ti lo biani biani si na ya ti angu so ayeke ga na peko so, zo akiri ama iri ti ala pepe!

Abia (Psaumes) 71:3

Ga tongana kota têne so mbi yeke luti na ndö ni ti bata tere ti mbi, ndo so mbi lingbi ti kpe daa lakue. Mo mu yanga ti soo mbi. Biani, mo yeke tongana kota têne so mbi luti na ndö ni, tongana ngangu gbagba na tere ti mbi.

Sigingo 12:12

“Na bi ni so, fade mbi yeke hon na ya ti kodro ti Ezipte kue. Mbi yeke fâ akozo molenge-koli kue ti azo na ti anyama ti kodro ni. Mbi yeke fâ ngbanga na li ti anzapa kue ti Ezipte. Mbi laa mbi yeke KOTA GBIA.

Amato 10:7

Zo ti mbirimbiri, be ti azo ayeke girisa na lo pepe; me ti zo ti sioni, be ti azo ayeke girisa na lo biani biani.

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ésaïe 33:13

Ala so ayeke na yongoro ndo, ala ma tënë ti ye so mbi sara! Ala so ayeke nduru ge, ala hinga ngangu ti mbi!”

Jérémie 50:2

“Ala azo, ala fa tënë ni na popo ti amara nde, ala sara si azo ama tënë ni na lege ti bendere so ala yo na nduzu; ala sara si azo ama tënë ni, ala honde ni pepe! Ala tene: A mu Babilone awe! Kamene ahon ndö ti ayanda ti lo awe! Biani, kamene ahon ndö ti Bel awe, Marduk ati biani biani awe!

Daniel 11:21

“ ‘Zo so ayeke ga na peko ti lo ayeke duti mbeni mbumbuse zo so azo amu na lo nengo ti gbia pepe. Lo yeke ga na ndembe so siriri ayeke daa si lo yeke mu kodro ni na lege ti sarango aye ti handa.

Daniel 5:27

TEKEL aye ti tene a baa nengo ni awe: a zia mo na ndö ti kilo ti baa nengo ti mo, me mo ne pepe;

Awayango-sandaga 26:30

Ando so ala leke na ndö ti ahoto ti voro anzapa nde daa so, mbi yeke buba ni. Agbalaka so ala yeke zö dukani na ndö ni so, mbi yeke kungbi ni na sese; mbi yeke bongbi kuâ ti ala na ndö ti afango yanda ti ala; fade mbi yeke ke ala.

Mishe 5:13

Mbi yeke de na sese akeke so mo leke ni aluti na nduzu si mo yeke voro ni so; mbi yeke buba agbata ti mo kue.

Mishe 5:14

Fade ngonzo ti mbi ayeke londo tongana wâ na tere ti amara so ake ti ma yanga ti mbi; mbi yeke kiri na ala peko ti sioni so ala sara na mbi.”

Habakuk 2:10

Na sarango ye tongaso, mo yeke zia kamene na le ti asewa ti mo, mo yeke buba fini ti gba ti amara, mo yeke buba nga fini ti mo wani.

1 Samuel 3:13

Mbi tene na Heli, mbi tene, fade mbi yeke fâ ngbanga na li ti azo ti sewa ti lo lakue ndali ti sioni so amolenge ti lo asara: lo hinga kue atene, ala yeke zonga Nzapa, me lo kanga lege na ala pepe.