Nahum 1:10 - Mbeti ti Nzapa - Tënë so amu fini

¹⁰ Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Nahum 1:10 ပူးပေါင်းရင်းမြစ်များ

2 Samuel 13:28

Na pekoni, Absalom amu yanga na azo ti kua ti lo, atene: “Ala baa Amnon nzoni. Na ndembe so lo nyon samba ahon ndö ti lo si be ti lo ayeke na ngia, tongana mbi tene na ala: ‘Ala pika Amnon!’, fade ala pika lo, ala fâ lo. Ala sara mbeto pepe, mbi laa mbi mu yanga na ala! Ala gbu ngangu, ala sara ye ti koli!”

Abia (Psaumes) 118:12

Ala yeke tongana awotoro so angoro mbi, me ala mingo tongana wâ ti pere, ngbanga ti so mbi hunzi ala kue na iri ti KOTA GBIA.

Abia (Psaumes) 68:2

Tongana Nzapa ayeke londo, awato ti lo ayeke kangbi kirikiri, azo ti kengo lo ayeke kpe na le ti lo.

Sigingo 15:7

Mo yeke kota ahon ndoni! Mo yeke kinda azo so alondo ti ke mo. Tongana ngonzo ti mo alondo tongana wâ, ngonzo ni ayeke gbi ala tongana holengo pere.

Sigingo 5:12

Tongaso azo ti Israel akangbi tere ti ala na ya ti kodro ti Ezipte kue ti ro aholengo pere ti pika na biriki.

Ésaïe 27:4

Mbi ngba ti sara ngonzo na tere ti yaka ni pepe. Me tongana mbi wara aki na akamba ti ki na ni, mbi yeke ti na ndö ti ala ti bi wâ daa.

Ésaïe 47:14

Ala yeke tongana pere, fade wâ ayeke gbi ala kue. Ala lingbi ti zi tere ti ala na ya ti menga ti wâ ni pepe. Wâ ni so ayeke ale ti wâ so e yeke to na kobe pepe, wala wâ so zo ayeke duti na tere ni titene tere ti lo amu wâ pepe.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Ésaïe 56:12

Ala tene: “Ala ga, e gue, e gi vin, e nyon ngangu samba alingbi na e. Kekereke, e yeke kiri ti sara gi tongaso: samba angba mingi.”

Ésaïe 9:18

Ndali ti ngonzo ti KOTA GBIA so ayeke na ndö ti dunia kue, wâ agbi kodro ni kue; azo ni aga tongana ye so wâ agbi ni. Zo oko abaa mawa ti mba ti lo pepe.

Jérémie 51:39

Na ndembe so nzara ti aye ayeke gbi be ti ala tongana wâ, mbi yeke leke matanga ti tengo kobe ndali ti ala. Mbi yeke mu na ala samba, ala nyon ngbii ahon ndö ti ala. Fade ala yeke lango kpu na kpu, ala yeke kiri ti zingo pepe; so tënë ti yanga ti KOTA GBIA laa.

Jérémie 51:57

“Mbi yeke mu samba na akota zo ti lo nga na azo ti ndara ti lo, agovoronere ti lo, akota komanda nga na angangu turugu ti lo. Fade azo ni ayeke lango kpu na kpu, ala yeke kiri ti zingo pepe; so tënë ti yanga ti Gbia laa, lo so iri ti lo ayeke KOTA GBIA so ayeke na ndö ti dunia kue.”

Mishe 7:4

Zo ti nzoni na popo ti ala ayeke tongana aki; zo ti mbirimbiri na popo ti ala ayeke sioni ahon gba ti akeke ti ki. Lango ti fango ngbanga na ndö ti ala alingbi awe, lango so asanziri ti ala, awayanga-Nzapa, atene tënë ni kozoni awe so. Fadeso be ti ala afun kue awe.

Nahum 3:11

Ti mo Ninive nga, fade pasi ayeke hon ndö ti mo si mo yeke ga tongana zo so samba ahon ndö ti lo! Mo yeke honde tere ti mo ndali ti kamene ti mo. Mo nga, mo yeke gi ndo ti honde tere ti mo ndali ti awato ti mo.

1 Samuel 25:36

Abigail akiri na tere ti Nabal. Andaa na da kâ, Nabal asara matanga tongana matanga ti gbia. Tere ti Nabal anzere mingi si lo nyon samba ahon ndö ti lo. Abigail atene tënë oko na lo pepe ngbii asi na kota ndaperere.